Zamanymyzdyń zańǵar jazýshysy Muhtar Áýezovtiń týǵanyna 28 qyrkúıekte 125 jyl toldy. Tap osy kúni Qaraǵandy shaharynda dara tulǵanyń bıýsti ashyldy. Avtory – músinshi Erbosyn Baǵybaev. Músinshi bıýsti bir aıǵa jýyq ýaqyt jasapty.
Bıýstiń bıiktigi tuǵyrymen qosa alǵanda 2,5 jarym metr. Erbosyn Baǵybaevtyń aıtýynsha, bul uly tulǵalardyń bıýstin jasaýdaǵy besinshi týyndysy. Munyń aldynda Qalıbek Qýanyshbaev, Ázirbaıjan Mámbetov, Dinmuhamed Qonaev, Jumabaı Shaıahmetovterdiń beınesin músindepti.
– Bıýst jasaýǵa usynys túskende, qýandym. Uly adamnyń músinin jasaý men úshin úlken mártebe. Ońaı boldy demeımin. Ásirese jazýshynyń kóz janaryn jasaý, sol arqyly bolmysyn tanytý qajet edi. Kóp izdendim, biraz fotosýretterin zerdeledim, – deıdi músinshi.
Alǵashynda sazdan somdalyp, odan soń betonǵa quıylǵan músinniń syrty qolamen boıalǵan. Tuǵyry – keramogranıt.
QARAǴANDY