Densaýlyq saqtaý mınıstri Ajar Ǵınııat Májilistegi Úkimet saǵatynda Qazaqstan aýyldarynda sábı ólimi kóbeıgenin málimdedi, dep habarlaıdy Egemen.kz
«Bıyl aýyldyq jerlerde sábı óliminiń kórsetkishi 30,6%-ǵa artqany baıqalady. Bul rette aýylda balalar ólimi qalamen salystyrǵanda 38,7%-ǵa tómen», dedi Ajar Ǵınııat.
Mınıstr atap ótkendeı, áıelderdiń densaýlyǵyn saqtaý jáne balalardyń densaýlyǵyn nyǵaıtý úshin júkti áıelderdi medısınalyq baqylaýmen qamtylý kórsetkishi ósti.
«Sonymen qatar, balalardaǵy aýrýlar men damý buzylystaryn ýaqtyly anyqtaý úshin jyl saıyn 3,1 mıllıonnan astam balany qamtıtyn profılaktıkalyq tekserýler, 1,6 mıllıonnan astam jas balalardy skrınıngtik zertteýler júrgiziledi», dedi densaýlyq saqtaý mınıstri.
Qyrkúıek aıynda elimizde «Aýyldyq densaýlyq saqtaýdy jańǵyrtý» ulttyq jobasy ázirlengeni belgili boldy. Ol barlyq aýyldyq eldi mekenderdi alǵashqy medısınalyq-sanıtarlyq kómek uıymdarymen qamtamasyz etý arqyly qalalyq jáne aýyldyq densaýlyq saqtaý arasyndaǵy teńgerimsizdikterdi azaıtýǵa baǵyttalǵan.