Astanada Azııadaǵy ózara is-qımyl jáne senim sharalary jónindegi keńestiń VI sammıtiniń jumysy bastaldy. Sammıtke 11 eldiń memleket basshylary qatysyp jatyr, dep habarlaıdy Egemen.kz.
Sammıt Qazaqstan Prezıdenti Qasym-Jomart Toqaevtyń tóraǵalyǵymen ótýde.
Azııadaǵy ózara is-qımyl jáne senim sharalary jónindegi keńestiń VI sammıti AО́SShK shaqyrý týraly bastamanyń 30 jyldyǵyna oraılastyrylǵan.
Aıta ketsek, Qazaqstan astanasy eki kún boıy memleket basshylary men sheteldik delegasııalardy qabyldap jatyr.
Azııadaǵy ózara is-qımyl jáne senim sharalary jónindegi keńestiń sammıtine 11 memleket basshysy - Ázerbaıjan, Irak, Iran, Qyrǵyzstan, Palestına, Tájikstan, Reseı, Túrkııa, О́zbekstan prezıdentteri, Katar Ámiri, sondaı-aq Vetnam vıse-prezıdenti, QHR tóraǵasynyń orynbasary jáne bes mınıstr qatysady. AО́SShK memlekettik baqylaýshysy bolyp tabylatyn Belarýs prezıdenti de elordaǵa keldi.
AО́SShK bastamasyn Qazaqstan 1992 jyly BUU Bas Assambleıasynyń 47 sessııasynda alǵa tartty. Qyzmettiń negizgi maqsaty men baǵyty - Azııadaǵy beıbitshilik pen qaýipsizdikti qamtamasyz etýdiń kópjaqty tásilderin ázirleý arqyly yntymaqtastyqty nyǵaıtý.
Buǵan deıin AО́SShK-ny tolyqqandy halyqaralyq uıymǵa aınaldyrý josparlary týraly habarlanǵan edi.