Kókshetaý qalasyndaǵy birneshe mektepke «jarylǵysh zat» qoıylǵany týraly habarlama kelip tústi. Shuǵyl qyzmetter oqý oryndaryn tekserdi, dep habarlaıdy Egemen.kz.
Polısııaǵa №3 «Daryn» mektep-ınternatyna «jarylǵysh qurylǵy» qoıylǵany týraly habarlama kelip tústi.
Kókshetaý PD baspasóz qyzmeti habarlaǵandaı, atalǵan mekenjaıǵa polısııa jáne basqa da shuǵyl qyzmetter jiberildi. Mektep aýmaǵy qorshaýǵa alynyp, oqýshylar, oqytýshylar quramy men mektep ákimshiligi evakýasııalandy.
Nátıjesinde, jarylys tehnıkteri men kınologtar mektep aýmaǵynda jarylǵysh qurylǵylar joq ekenin anyqtady.
Keıinirek qalanyń basqa oqý oryndaryna uqsas habarlama túse bastady, onda tıisti tekserýler júrgizilip jatyr.