Ulttyq qaýipsizdik komıteti arnaıy operasııa barysynda qarasora tobyna jatatyn esirtki zattaryn elordaǵa jetkizetin arnany anyqtady, dep habarlaıdy Egemen.kz UQK baspasóz qyzmetine silteme jasap.
«2022 jylǵy 29 qazanda Polısııa departamenti bólimsheleriniń qatysýymen esirtki tasymaldaýshy ustalyp, onyń kóliginen elimizdiń ońtústik óńirlerinen jetkizilgen 15 keli gashısh tabyldy. Turǵylyqty jeri boıynsha júrgizilgen tekserý barysynda taǵy da 17 keli gashısh pen 1,5 keli marıhýana alyndy», delingen habarlamada.
Esirtkiniń jalpy salmaǵy 32 keli gashısh pen 1,5 keli marıhýana.
Jedel-tergeý is-sharalary áli de jalǵasýda.