Qazaqstandyqtar elimizdegi eń iri munaı-gaz kompanııasy «QazMunaıGazdyń» aksııalaryn satyp alýǵa múmkindigi bar. Kompanııanyń aksııalary bastapqy jarııa usynylymǵa qoıylady, dep jazady Egemen.kz.
Investorlardan ótinimderdi qabyldaý 2022 jyldyń 9 qarashasynda bastalyp, ınstıtýsıonaldyq ınvestorlar úshin 30 qarashada, al bólshek ınvestorlar úshin 2 jeltoqsanda aıaqtalady.
Sonymen qatar jeke ınvestorlar – Qazaqstan azamattaryna basymdyq beriledi. Osylaısha, halyqtyq IPO formatyn qamtamasyz etedi. IPO barysynda «QazMunaıGazdyń» qarapaıym aksııasynyń baǵasy 8 406 teńgeni quraıdy.
Aksııalar eki platformaǵa – Astana International Exchange (AIX) jáne Qazaqstan qor bırjasynda (KASE) qoıylady.
«AIX saýda qyzmetiniń tórt jyly ishinde biz sheteldik jáne jergilikti ınvestorlar ózderin jaıly sezinetin álemdik deńgeıdegi ıntegrasııalanǵan kapıtal naryǵyn qura aldyq. Qazaqstandyq iri kompanııalardyń IPO-syn tabysty ótkizip, tájirıbe jınaqtadyq. 2018 jyly ótken lıstıng pen «Qazatomónerkásiptiń» keıingi eki SPO-synyń nátıjesinde onyń aksııalary qunynyń ósimi 383%-dy qurady. KASPI-di qosarly ornalastyrý da óte sátti júzege asty. Qazir maksımal ósim 252%-dy qurady», deıdi AIX Basqarma Tóraǵasy Renat Bekturov.
Sondaı-aq ol AIX-te saýda jasaý arqyly ınvestor ashyq, ádil jáne rettelgen naryqta jumys isteıtinin, ádil baǵa boıynsha saýda-sattyqqa senim arta alatynyn da atap ótti.
Aıta keteıik, qazir AIX júıesinde 30-ǵa jýyq qazaqstandyq jáne sheteldik brokerler tirkelgen. Olar arqyly IPO-ǵa qatysýǵa jáne qor bırjasynda baǵaly qaǵazdarmen saýda jasaýǵa bolady. AIX eýropalyq, amerıkandyq, azııalyq jáne qazaqstandyq esep aıyrysý bankterimen jumys isteıdi, bul geosaıası jaǵdaıǵa qaramastan bırjanyń úzdiksiz jumysyn qamtamasyz etýge múmkindik beredi.
«Bizdiń maqsatymyz – tabys deńgeıi men qarjylyq saýatyna qaramastan, Qazaqstannyń barlyq azamattarynyń bırjada saýda jasaýyn jeńildetý», deıdi Renat Bekturov.
«Halyqtyq IPO» aıasynda qazaqstandyqtar «QazMunaıGaz» UK AQ aksııalaryn Astana halyqaralyq bırjasynda úsh jolmen satyp ala alady:
Barynsha qarapaıym ári jyldam ádis – Tabys qosymshasynda tikeleı jazylý arqyly. Sizge bar bolǵany tek smartfon, ınternetke qoljetimdilik, jeke kýálik pen bank kartasy qajet. Bul rette tikeleı jazylý úshin komıssııa ustalmaıdy – tek tranzaksııa úshin banktik tólem alynady. «Qazpochta» AQ men AIX ıntegrasııasynyń arqasynda siz búkil Qazaqstan boıynsha 1000-nan astam bólimsheler arqyly tikeleı jazylymǵa ótinish bere alasyz. Tikeleı jazylym aksııalardy birden satýdy josparlamaıtyn nemese brokerdi tańdaýǵa asyqpaıtyn, bunyń bárin keıinirek jasaýdy josparlaıtyn jandarǵa óte qolaıly. Brokerler – AIX jáne KASE bırjalarynyń saýda músheleri arqyly.