«Malefısenta» qazaq tilinde sóıledi

Balalar bolashaǵymyz desek, búginde elimizde olarǵa jasalyp jatqan ıgi sharalar da jeterlik. Olardyń qatarynda erteńgi el ıeleri balǵyndarǵa arnalǵan ana tilinde fılmder usyný da bar. Astanadaǵy «Kerýen» oıyn-saýyq kesheninde «Bolashaq» qaýymdastyǵy «Nur Otan» partııasynyń qoldaýymen gollıvýdtyq «Malefısenta» fılmi­niń qazaqsha nusqasynyń aldyn ala kórsetilimin ótkizdi. Sharanyń ashylý saltanatyna «Nur Otan» partııasy Tóraǵasynyń birinshi orynbasary, «Bolashaq» qaýymdastyǵy keńesiniń tóraǵasy Baýyrjan Baı­bek pen atalǵan týyndynyń bas keıip­keri Malefısentanyń daýysyn qazaqshalaǵan Gúlnaz Áýesbaeva kelip, jıylǵan jurtty quttyqtap, fılm­ge sáttilik tiledi. Fılm dýblıajyn jasaýǵa bas demeýshilikti «Samuryq-Qazyna» UÁQ» AQ jasapty. «Bolashaq» qaýymdastyǵy tórt jyldan astam ýaqyttan beri osyndaı jobalardy bastady. Osy ýaqyttar ishinde segiz joba ómirge keldi. Qaýymdastyqtyń negizgi maqsaty ozyq tehnologııalar arqyly gollıvýdtyq fılmderdi qazaq tiline aýdarý. Dástúrimizdi, mádenıetimizdi, tilimizdi jańa halyqaralyq standarttarǵa sáıkes halyqqa, balalarǵa jetkizý. «Nur Otan» partııasy bıylǵy jyldan bastap Elbasy saıasatyn júzege asyrý barysynda osy fılmderdi aımaqtarda jastarymyz, balalarymyz ben ata-analar, muǵalimder kórsin degen nıetpen osyndaı ıgilikti isti atqaryp otyrmyz», – dedi «Nur Otan» partııasy Tóraǵasynyń Birinshi orynbasary Baýyrjan Baıbek. Sondaı-aq, Gúlnaz Áýesbaeva: «Men úshin Andjelına Djolı keıipkeri Malefısentany dybystaý – zor jetistik. Dybystaý akter úshin bul jańa tolyq qundy ról tárizdes. О́zim «Bolashaq» qaýymdastyǵy jáne «Nur Otan» partııasynyń qoldaýymen qazaqstandyqtardyń belgili gollıvýd­tyq blogbasterdi memlekettik tilde kórý múmkindigine ıe bolǵanyna sheksiz rızamyn. Fılm barshańyzǵa unaıdy degen úmittemin», – dedi. Mýltımedııalyq tehnologııalardy paıdalaný – tilderdi úırenýdiń tıimdi tásili. О́zge tilderden dýblıaj jasaý qazaq tilin tanymal etýdiń yqpaldy quraly bolyp sanalady. «Bolashaq» qaýymdastyǵy birazdan beri otbasylyq kórsetilimge arnalǵan gollıvýdtyq týyndylardy dýblıaj arqyly tanystyrý jobasyn iske asyrýda. Qazaq tili aǵylshyn, fransýz, nemis, ıspan, portýgalııa, orys jáne ózge de tildermen qatar, «Malefısenta» fılminiń keıipkerleri sóılegen álemdegi on toǵyzynshy tilge aınaldy. Alda aıtqanymyzdaı basty keıipkerlerdi dybystaýǵa Gúlnaz Áýesbaeva, Gúlnar Qurmanbekova (hanshaıym Avrora), Azamat Qanapııa (patsha Stefan) syndy jalpy sany jıyrmaǵa jýyq akterler qatysqan. Uıqydaǵy arý týraly ertegini jańasha túsindirýde basty róldi tanymal gollıvýdtyq aktrısa, «Oskar» syılyǵynyń ıegeri Andjelına Djolı somdaǵan. Sondaı-aq, Ýıll Smıt, Djonnı Depp jáne Tommı Lı Djons sekildi akterler alǵash ret qazaq tilin­de sóıledi. 3D grafıkasynyń negi­­zinde tolyq qalpyna keltirilgen oıdan shyǵarylǵan ertegi álemniń áseri «Avatar», «Alısa ǵajaıyptar ále­minde» kınokartınalaryn jasaý­ǵa qatysqan shyǵarmashylyq top ju­mysynyń nátıjesi. Fılm aǵylshyn­nyń belgili Pinewood Studio stýdııa­syn­da túsirilgen. Dekorasııalar, onyń ishinde eski qorǵan jańadan ja­salyp, ishki kórinisine negizinen sırek kezdesetin zattar paıdalanylǵan. «Malefısenta» fılmi «Oskar» syı­lyǵyn eki márte ıelengen qoıýshy-sýretshi Robert Strombergtiń rejıs­ser­lik debıýtine aınalǵan. Álemdik sah­naǵa jol tartqan atalmysh fılm­­ge 200 mıllıon AQSh dollary jumsalypty. Astanadaǵy aldyn ala kórsetilim zaldaǵy balalar nazaryn ózine erekshe aýdaryp, jalpy kórermenderdiń ystyq yqylasyna bólendi. Bul týyndynyń tusaýkeseri keshe, ıaǵnı, 29 mamyrda elimizdiń barlyq kınoteatrlarynda kórsetildi. Ábdirahman QYDYRBEK, «Egemen Qazaqstan».