Qaraǵandy oblysynda júk vagondary relsten shyǵyp 1000-ǵa jýyq adam evakýasııalandy, dep habarlaıdy Egemen.kz Tótenshe jaǵdaılar departamentiniń baspasóz qyzmetine silteme jasap.
«Qulaıǵyr jáne Qaramuryn stansııalarynan 963 jolaýshy evakýasııalandy», delingen habarlamada.
Eske salaıyq, Qaraǵandy oblysynyń Abaı aýdanynda júk vagondarynyń relsten shyǵyp ketýine baılanysty jolaýshylar poıyzdary toqtaǵan bolatyn.
Evakýasııaǵa jergilikti atqarýshy organdar men Tótenshe jaǵdaılar departamentiniń 28 adamy men 17 tehnıkasy jumyldyryldy.
«Qazaqstan temir joly» baspasóz qyzmeti habarlaǵandaı, Qaraǵandy oblysynyń ákimdigimen birlesip 516 poıyz jolaýshysyn Qaraǵandy, Astana qalalaryna avtobýspen jetkizý uıymdastyrylǵan.