Qazaqstan Halyq partııasy jańa Konstıtýsııa jobasyn halyq arasynda túsindirý jáne talqylaý jumystaryn qarqyndy júrgizip jatyr. Partııanyń aımaqtyq fılıaldary mańyzdy kezdesýler men «dóńgelek ústelder» ótkizdi, dep jazady Egemen.kz.
Pavlodar oblystyq Dostyq úıinde ótken jıynǵa QHP fılıaly tóraǵasynyń mindetin atqarýshy Álimbek Aǵybaev qatysty.
Oblys ákimi Asaıyn Baıhanov qujat azamattardyń, partııalardyń, úkimettik emes uıymdardyń jáne sarapshylardyń pikirlerin eskere otyryp ázirlengenin, barlyǵy 2 000-nan astam usynys kelip túskenin atap ótti.
Vıse-prezıdent jáne Halyq keńesi: Jańa Ata Zań jobasy Varshavada tanystyryldy
Sonymen qatar reformanyń tarıhı mańyzdylyǵy men árbir azamat úshin praktıkalyq mániniń zor ekeni aıtyldy. QHP músheleri Konstıtýsııanyń jobasyn tolyq qoldaıtyndaryn jáne ony túsindirý men qoǵamdyq talqylaýǵa belsendi qatysýǵa daıyn ekenderin jetkizdi.
«Jańa Konstıtýsııanyń jobasy quqyq pen bostandyq aıasyn keńeıtedi, zań ústemdigin nyǵaıtady, saıası júıeni jańǵyrtady jáne alǵash ret «Ádiletti Qazaqstan» tujyrymdamasynyń qundylyqtary men «Zań men tártip» qaǵıdatyn bekitedi», dep málimdedi talqylaýǵa qatysýshylar.
Taraz qalasynda ótken kezdesýde QHP Jambyl oblystyq fılıalynyń ókilderi men máslıhat depýtattary bas qosty. Fılıal tóraǵasynyń orynbasary Bolatbek Kóltaev pen fılıal tóraǵasynyń mindetin atqarýshy Rahman Aqqozıev qujattyń negizgi tarmaqtaryn túsindirdi.
«BAITAQ» partııasy «Ekologııa jáne adam densaýlyǵy» uǵymyn memlekettiń bazalyq qundylyǵy retinde bekitýdi usyndy
Jıynda Taraz qalalyq máslıhatynyń depýtattary Eldos Dalabaı men Azamat Lesbek spıker retinde sóz sóıledi. Olar jobaǵa engizilgen ózgeristerge toqtalyp, negizgi baptarǵa túsinikteme berdi. Talqylaýǵa partııa belsendileri qatysty.
«Qatysýshylar talqylanǵan máseleniń mańyzdylyǵyn túsindi. QR Konstıtýsııasyn qabyldaýǵa degen qyzyǵýshylyq Ata zańymyzdy jańartý ýaqyt talaby ekenin kórsetti. Qazaqstan halqy oń ózgeris kútip otyr», dep atap ótti is-sharanyń uıymdastyrýshylary.
Osyǵan uqsas kezdesý QHP-nyń Shymkent qalalyq fılıalynda ótti. Kezdesý barysynda partııa belsendilerine Konstıtýsııa jobasynyń negizgi erejeleri túsindirilip, partııanyń ustanymy men kózqarasy tanystyryldy. Sonymen qatar konstıtýsııalyq ózgeristi iske asyrýdaǵy qoǵamdyq-saıası ınstıtýttardyń róli talqylandy.
«Mundaı kezdesýler partııa aktıviniń quqyqtyq saýattylyǵyn arttyryp, qoǵamdaǵy ózekti máselelerdi talqylaýǵa múmkindik beredi», dep túıindedi partııa ókilderi.