20 qarasha saǵat 7:00-degi jaǵdaı boıynsha Qazaqstan Respýblıkasy prezıdentin saılaýǵa sheteldegi saılaý ýchaskelerin qosqanda barlyǵy 8 162 núktede daýys berý bastaldy, dep habarlaıdy Egemen.kz.
Saǵat 7.15-tegi jaǵdaı boıynsha elimizde 8150 ýchaske daýys berýge kiristi. Sondaı-aq 11 memlekettegi 12 saılaý ýchaskelerinde daýys berý bastaldy. 86 ýchaskede aýmaqtyq komıssııalardyń qabyldaǵan sheshimderine sáıkes daýys berý tańǵy saǵat 6.00-de bastalǵan.
«Qazaqstan Respýblıkasynyń aýmaǵyndaǵy ýaqyt beldeýleriniń shekaralaryna sáıkes 5 óńirdiń: Aqtóbe, Atyraý, Batys Qazaqstan, Qyzylorda jáne Mańǵystaý oblystarynyń ýchaskeleri elorda ýaqyty boıynsha saǵat 08.00-de daýys berýge kirisedi. Tizimge engizilgen azamattardyń sany - 11 mln 950 myń 485. Ýchaskelik komıssııalar azamattardyń jazbasha ótinishteri boıynsha daýys berý quqyǵyn beretin barlyǵy 22578 esepten shyǵarý kýáligin berdi», dedi QR OSK Tóraǵasynyń orynbasary K. Petrov.
Aıta keteıik, Respýblıkada daýys berýge arnalǵan 10 101 ýchaske bar. Onyń ishinde Qazaqstan Respýblıkasynyń shet memleketterdegi ókildikterinde 53 elde 68 ýchaske jumys isteıdi.