Atyraý oblysyndaǵy aýmaqtyq saılaý komıssııasynyń málimetine súıensek, tańǵy 07:00-de 261 saılaý ýchaskesi jumysyn bastady, dep jazady Egemen.kz.
Onyń ishinde 11 jabyq ýchaske bar. Ýchaskelik saılaý komıssııalarynyń quramyna 1966 adam engizilgen.
«Atyraý oblysynda ýchaskelik saılaý komıssııalary músheleriniń quramyna saıası partııalardan 1306 (66,43%), qoǵamdyq birlestikterden 660 (33,57%) adam usynyldy. Qazir saılaýshylardyń sany 409 949 adamdy qurady. О́zge oblystardan óz ótinishine sáıkes tizimge engizilgen 12 956 saılaýshy bar», dep aqparat taratty aýmaqtyq saılaý komıssııasynan.
Kandıdattardyń senim bildirgen 784 ókili tirkelgen. Sondaı-aq, EQYU-nyń 2 halyqaralyq baıqaýshysy kelgen.
Al H.Dosmuhamedov atyndaǵy Atyraý ýnıversıtetiniń bazasynda halyqaralyq baıqaýshylarǵa járdemdesý ortalyǵy ashyldy.