Jergilikti ýaqyt boıynsha saǵat 20:00-de (Astana ýaqyty boıynsha saǵat 18:00-de) Qazaqstan Respýblıkasynyń QHR-daǵy elshiligi janyndaǵy №257 saılaý ýchaskesi jumysyn aıaqtady, dep habarlaıdy Egemen.kz.
«Beıjińdegi №257 ýchaske jumysyn aıaqtady. Kúni boıyna saılaýshylardyń belsendi qatysýy baıqaldy. Osy kúnderi Beıjińniń Chaoıan aýdanynda engizilgen kovıd shekteýlerine qaramastan, saılaýǵa saılaýshylardyń qatysýy joǵary boldy», dedi Qazaqstannyń Qytaıdaǵy ókili Nurlan Aqqoshqarov.
Sondaı-aq Shanhaı jáne Gonkongtaǵy Qazaqstan Respýblıkasynyń QHR-daǵy bas konsýldyqtaryndaǵy saılaý ýchaskelerinde daýys berý aıaqtaldy. Qazirgi ýaqytta daýystar eseptelýde.
Búgin elimizde saǵat 07:00-den bastap el prezıdentine daýys berý bastaldy. Astana ýaqyty boıynsha saǵat 05:00-de (jergilikti ýaqyt boıynsha 07:00) Beıjińdegi Qazaqstan Respýblıkasynyń Qytaı Halyq Respýblıkasyndaǵy elshiliginde jáne Shanhaı men Gonkongtaǵy Qazaqstan Respýblıkasynyń Bas konsýldyqtarynda qurylǵan saılaý ýchaskeleri jumys isteı bastady. Qazaqstandyq stýdentter Beıjiń men Shanhaıda ótken prezıdenttik saılaýda daýys berdi.