ASTANA. 30 mamyr. Integrasııa – bul qazirgi qalyptasyp júrgen jańa uran. Integrasııa arqyly adamdar bir-birine jaqyndaı túsedi. Jaqyndasqan adamdar jumyla júrip, damýdyń keń dańǵylyna túse alady. Egıpettik kásipker, «Los Amıgos» kompanııasynyń basqarýshy dırektory Galıal Maher Galıal Elgor osylaı dedi. Bul týraly egemen.kz tilshisi habarlady.
Galıal Maher Galıal Elgor: «Eýrazııalyq ekonomıkalyq odaqqa múshe elder bul birlestiktiń ıgiligin mindetti túrde kóredi, jaqsy múmkindikterine qol jetkizedi. Men munaıshymyn, sol sebepti bul saladaǵy zor múmkindikterdi bilemin. Bul baǵyttaǵy Qazaqstannyń qýatyn, baılyǵyn baǵamdaımyn. Qazaqstan álemniń mıneraldy baılyǵynyń aıtarlyqtaı bóligine ıe. Al onyń bárin ıgerý, óndiristi damytý, ónimdi naryqqa shyǵarý úshin saýda-ekonomıkalyq yqpaldastyqtyń paıdasy zor. Al búgingi shart osy múmkindikterdi ashyp, barlyq ınvestorlarǵa tıimdi alań týdyrǵaly tur. Endi biz sizderdegi 17 mln. emes, 170 mln. halqy bar naryqty aıtatyn bolamyz. Bul – bıznes úshin óte aýqymdy naryq. Munaıshy retinde, Qazaqstan maǵan qashanda jaqyn, qazaqstandyqtar bizdiń aǵaıynymyz», – dedi.
Sondaı-aq, ol Eýrazııalyq ekonomıkalyq odaq Qazaqstannyń syrtqy saıasatyn jetildire túsedi degen pikirin bildirdi.
Joldybaı Bazar.
Derekkóz: egemen.kz.
Foto: «24kz».