ASTANA. 30 mamyr. Eýropalyq qaýipsizdik jáne yntymaqtastyq uıymy parlamenttik tobynyń burynǵy tóraǵasy, nıderlandtyq saıasatker Koskýn Chorýz Memleket basshysyn Eýrazııalyq ekonomıkalyq odaq qurý jónindegi shartqa qol qoıylýymen quttyqtady ári atalǵan odaq týraly jyly lebizin bildirdi. Bul týraly egemen.kz tilshisi habarlady.
Koskýn Chorýz Nıderland memleketiniń Eýropamen de, Azııamen de birlese jumys isteı alatyndyǵyn sóz ete kele: «Men bizdiń el men Eýrazııalyq ekonomıkalyq odaqqa múshe memlekettermen áriptestikti tek utymdylyq turǵysynan kórip turmyn. Qazaqstan, Reseı men Belarýstiń birlesken Odaǵynyń da bolashaǵy jarqyn bolatynyna senemin», – dedi.
Sondaı-aq, ol áriptes memleketter arasynda ıntegrasııalyq baılanys ornap, odaqtyń qurylýy ekonomıkalyq damý turǵysynan paıdaly ekenin jetkizdi.
Joldybaı Bazar.
Derekkóz: egemen.kz.
Foto: «24kz».