Gaz tapshylyǵy neden týyndady?

Alaıda, qazir atalǵan zaýyt­ta josparly jóndeý ju­mystary júrgizilip jatyr. Soǵan baılanysty gaz jet­kizý kólemi 35 paıyzǵa qys­qaryp, 3 785,161 tonnany quraǵan. «Atyraý mu­naı óńdeý zaýyty» JShS-nyń málimetinshe, josparly jóndeý jumystaryn júr­gizý kezinde atalǵan zaýyt­tan táýligine 90 tonna gaz jet­kizilse, 6 qarashadan beri bul kórsetkish – 60 ton­na. Bul avtogaz quıý stan­sa­la­ryndaǵy gaz tapshylyǵy qa­lyptasýynyń birden-bir sebebine aınaldy. Endi zaýytta 19-25 qarasha araly­ǵyn­da boljamdy gaz óndirisi táýligine 800 tonnany quraı­tyn bolady.

Kásiporynnyń baspasóz qyzmeti usynǵan aqparatqa qa­raǵanda, ónim óndirýge qa­tys­ty óndiristik baǵdarlama aı saıyn jasaqtalady. Zaýytta júrgizilip jatqan josparly aldyn alý, jóndeý jumystary eskerile otyryp jasaqtalǵan óndiristik baǵdarlama bar. Soǵan sáıkes, 1-8 qarasha aralyǵyndaǵy suıytylǵan munaı gazyn óndirý kólemi 427 tonnany quraǵan. Al 9 qarashadaǵy kórsetkish boıynsha 640 ton­na suıytylǵan munaı gazy óndirilip, tutynýshyǵa jó­nel­tilgen. Bul – jospar­lan­­­ǵan kórsetkishten 212 ton­naǵa artyq.

«Suıytylǵan munaı gazyn óndirý kólemin arttyrý jóndeý jumystary kezinde oblysta gaz defı­sı­tin boldyrmaý úshin ja­sal­ǵan. Buǵan qosymsha oblysty suıytylǵan munaı ga­zymen qamtamasyz etý úshin 9 qarashadan bastap «PHSNG» JShS-da qazan aıy­nan beri zaýyttyń teh­nıkalyq qajettilikteri úshin saqtaýly turǵan 270 tonna SMG jóneltile bastady. Qazan-qarasha aıyna jos­parlanǵan gaz óndirý kó­lemi jóninde «AMО́Z» JShS jóndeý jumystary bas­tal­mas buryn Energetıka mı­nıstrligi men Atyraý qa­la­synyń ákimdigine resmı túrde habarlady», dep aq­parat taratty zaýyttyń bas­pa­sóz qyzmeti.

Árıne, avtogaz tap­shy­ly­ǵy jergilikti ákimdik pen Energetıka mınıstrliginiń nazarynan tys qalǵan joq. Olar Atyraý oblysynyń tutynýshylaryna gaz jet­ki­zýdi turaqtandyrý úshin uıymdastyrý jumysyn júr­gizýdi qolǵa aldy. Máse­len kórshiles Aqtóbe obly­syn­daǵy «Gas Processing» kompanııasynan 400 tonna, «Qazaqoıl Aqtóbe» kompanııasynan 700 tonna gaz jetkizý josparlanyp otyr. Energetıka mınıstrligi Aty­raý jáne Batys Qazaq­stan oblystaryn avtogazben úzdiksiz qamtamasyz etý úshin suıytylǵan munaı gazynyń qosymsha kólemin bólý bo­ıynsha jumys júrgizýdi qolǵa aldy.

«Atyraý oblysyna qara­sha aıyna «Qazaqoıl – Aqtóbe» JShS, «Gas Pro­ces­sing Company» JShS men «SNPS-Aqtóbemunaıgaz» AQ qosymsha 2 108 tonna bóldi. Onyń ishinde 16 qara­sha­da 521 tonnasy jet­kizildi. Batys Qazaqstan ob­lysyna qarasha aıyna «SNPS-Aq­tóbemunaıgaz» AQ-dan qo­symsha 504 tonna bólindi. Oral qalasynda ornalasqan «Jaıyqmunaı» JShS-men kún saıyn aıyrbastaý ne­gizinde keminde 60 tonna suıytylyǵan munaı gazyn tıep-jónelte otyryp, qo­symsha 400 tonna bólý tý­raly ýaǵdalastyqqa qol jet­ki­zildi. Bul Atyraý munaı óńdeý zaýyty tolyq jumys rejimine shyqqannan keıin óteletin bolady», dep habarlady mınıstrliktiń baspasóz qyzmeti.

Sondaı-aq Energetıka mınıstrligi «Teńizshevroıl» JShS basshylarymen Batys Qazaqstan jáne Atyraý oblystaryna 1 600 tonnadan qosymsha suıytylǵan munaı gazyn bólý týraly kelisim jasady. Qazir suıytylǵan munaı gazyn ótkizýshi sýbek­tiler Energetıka mı­nıstr­ligi bólgen gaz kólemine jo­ǵaryda atalǵan zaýyttar­men kelisimshart jasap jatyr.

«QazMunaıGaz» UK» AQ aqparatyna sáıkes, Aty­raý munaı óńdeý zaýy­tyn­da aǵymdaǵy jóndeý ju­mys­taryn júrgizý úshin 7-14 qarasha aralyǵynda suıy­tylǵan munaı gazyn saq­taý parkine aıdaýdy toqta­­tylǵan. Bul zaýyt tolyq ju­mys rejimine 28 qarashada shyǵatyny josparlanyp otyr. Alaıda 23 qarashadan bas­tap qondyrǵylardy ke­zeń-kezeńimen iske qosý jóninde qabyldanǵan shara­lar táýligine 600 tonna suıytylǵan munaı gazyn óndirýge múmkindik beredi. Bul ónim suıytylǵan munaı gazynyń jetispeýshiligin boldyrmaýǵa baǵyttalady.

Atyraý oblysy