Búgin saǵat 08.00-den bastap Abaı jáne Jetisý oblystaryndaǵy kólik qozǵalysyna qoıylǵan shekteý alyndy, dep habarlaıdy Egemen.kz.
Abaı óńirinde «Almaty-О́skemen» tasjolynyń 615-967 shaqyrymdary aralyǵynda ornalasqan Jetisý oblysy shekarasynan Qalbataý aýylyna deıingi ýchaske ashyq. Sondaı-aq Jetisý óńirinde «Almaty-О́skemen» tasjolynyń 558-615 shaqyrymdary aralyǵynda ornalasqan Úsharal qalasynan Abaı óńirine deıingi ýchaske ashyldy», dep habarlady «QazAvtoJol» AQ baspasóz qyzmeti. Al R-20 «Saryózek-Kóktal» kúre jolynyń 45-68 shaqyrymdary aralyǵynda (Altyn Emel asýy) kólik qozǵalysyna áli de shekteý qoıylyp otyr.Esterińizge sala keteıik, keshe keshke aýa-raıynyń qolaısyzdyǵyna baılanysty jolshylar kúsheıtilgen jumys rejımine kóshti. Máselen, ótken túnde Abaı oblysynyń respýblıkalyq mańyzdaǵy kúre joldaryna 140 tonna qum-tuz qospasy sebildi.