Saýd Arabııasynyń Ulttyq meteorologııa ortalyǵynyń málimetinshe, jaýyn-shashynnyń eń kóp mólsheri teńiz jaǵalaýyndaǵy Djıdda qalasyna jaqyn aýdandarda jaýǵan, dep habarlaıdy Egemen.kz TASS agenttigine silteme jasap.
Saýd Arabııasynyń Mekke qalasy men oǵan jaqyn aımaqtarda beısenbi kúni tańerteń bastalǵan tolassyz jaýyn saldarynan eki adam qaza tapty. Tolassyz jaýǵan jańbyr daýylmen jáne burshaqpen birge júredi.
Jergilikti bılik Mekkeni Jıddamen baılanystyratyn tas joldy jabýdy buıyrdy. Sondaı-aq áýejaılardaǵy kóptegen reıster toqtatyldy. Azamattyq qorǵanys qyzmetteri halyqty asa qajet bolmasa, eń bolmaǵanda tún batqansha, meteorologtardyń boljamy boıynsha aýa raıy qalypty jaǵdaıǵa oralǵanǵa deıin úılerinen shyqpaýǵa shaqyrdy.