Túrkııadan kelgen júk tasymaldaýshy TJM kúrejol pýnktinen kómek surady, dep habarlaıdy Egemen.kz.
1 jeltoqsanǵa qaraǵan túni polıseıler tońyp qalǵan júk tasymaldaýshyny О́skemen-Semeı tasjolynda ornalasqan «Prıvolnoe» kúrejol medısınalyq-qutqarý pýnktine alyp keldi. Onyń júk kóligi jolda buzylyp qalǵan eken.
«Shyǵys Qazaqstan oblysyndaǵy 34 gradýstyq aıazǵa baılanysty júk tasymaldaýshy mingen «MAN» júk kóliginiń otyn júıesi isten shyqty. Er adam aıazdy kúni sýyq júk kóliginde birneshe saǵat ótkizdi, ony polısııa qyzmetkerleri joldan taýyp alyp, tekserý jáne medısınalyq kómek úshin TJM kúrejol pýnktine jetkizdi», delingen TJM habarlamasynda.
Kúrejol boıyndaǵy pýnkt brıgadasynyń qyzmetkerleri júrgizýshiniń aýa raıynyń qolaısyzdyǵyn sezinbeýi úshin qoldan kelgenniń bárin jasady. Qutqarylǵan adam dárigerlik tekserýden ótti, oǵan qajetti kómek kórsetildi. Aýrýhanaǵa jatqyzý qajettiligi týyndamady.
Kelesi kúni sónip qalǵan kólikti jóndeı almaǵandyqtan, júrgizýshi túnge qaraı taǵy da kúrejol pýnktine oraldy. Búgin tańerteń kólikti otaldyryp, júrgizýshi jolǵa shyqty.
Elimizdiń kúrejol qyzmeti qyryq kúrejol medısınalyq-qutqarý pýnktterinen turady. Olar elimizdegi avtojoldardyń avarııalyq-qaýipti ýchaskelerinde ornalasqan.
TMQP-niń negizgi mindetine JKO zardap shekkenderge shuǵyl medısınalyq kómek kórsetý jatady. Qys mezgilinde KMQP brıgadalary joldarda turyp qalǵan kólikterdegi adamdarǵa kómekke keledi, qar qursaýynda qalǵan júrgizýshiler men jolaýshylarǵa arnalǵan jylytý pýnktteri retinde paıdalanylady, qajetti medısınalyq kómek kórsetedi.
Qystyń alǵashqy aıynyń ózinde kúrejol pýnktteri brıgadasynyń kúshimen aqaýy bar avtokólikterden 40-tan astam adam evakýasııalandy. Barlyq jolaýshylar men júrgizýshiler arnaıy jylytý pýnktterine jetkizildi.
Jol boıyndaǵy pýnktterdiń jumysynyń arqasynda TMQP jaýapkershilik aımaǵynda kez-kelgen júrgizýshige nemese jolaýshyǵa shuǵyl jaǵdaıda tegin bilikti medısınalyq kómek alýǵa kepildik beriledi.