Meksıkadaǵy toıda 250 qonaqtyń kem degende 200-i ýlanyp qaldy, dep habarlaıdy Egemen.kz Noticias MVS saıtyna silteme jasap.
Bul týraly jergilikti densaýlyq saqtaý basqarmasynyń basshysy Alma Marrokın málimdedi. Onyń aıtýynsha, Meksıkanyń Nýevo-Leon shtatyndaǵy Monterreı qalasynda ótken merekeden keıin zardap shekkenderdiń ishinde qalyńdyq pen kámeletke tolmaǵan qonaqtar ýlanyp, dene qyzýy kóterilgen.
Oqıǵa bolǵan qonaqúı oqıǵanyń egjeı-tegjeıi naqtylanǵansha ýaqytsha jabylady. Jas jubaılar úılený toıyn uıymdastyrýǵa jumsalǵan qarajatty qaıtarýǵa ótinish bergenderin aıtyp, ýlanǵan qonaqtardy saýyqtyrý úshin qajetti medısınalyq qyzmet aqysyn qonaqúı ákimshiliginen tóleýdi talap etti.