Zańǵar jazýshy Ábish Kekilbaıdyń «Adamdy adam etken kitap, adamzat etken kitaphana» degen parasatty sózi kitap pen kitaphananyń bizdiń ómirimiz úshin qanshalyqty mańyzy zor ekenin túsindirip bere alady. Qalaı desek te, bizdiń ár jetistigimizdiń túp qaınary ǵasyrlar taby túsken, sarǵaıǵan paraqtar men sony saqtaıtyn «júregi bar úılerdiń» enshisinde ekeni shyndyq.
Jańa aıdy jaqsylyqpen ashqysy kelgen Ulttyq akademııalyq kitaphanada Mádenıet jáne sport mınıstrliginiń qoldaýymen respýblıkalyq «Jas kitaphanashy – 2022: jańa múmkindikter ýaqyty» atty iskerlik kezdesý ótti.
Atalǵan kezdesýdiń maqsaty – respýblıkamyzdyń ár óńirinen jınalǵan jas kitaphanashylardyń ózara tájirıbe almasýyna yqpal etý, iskerlik qabiletterin damytý. Jas mamandardyń tańdaǵan mamandyǵy týraly oıyn bir júıege keltirip, ónimdi ári sapaly jumys isteýine kómektesý. Iskerlik kezdesý aıasynda ashyq dıalog alańy, TEDx formatyndaǵy jas kitaphanashylar keısteriniń tanystyrylymy, mobılografııa, podkastıng negizderi, SMM-tehnologııalary. targetıng, kommýnıkatıvti komanda qurý, «Qarańǵydaǵy dıalog» mobıldi jáne psıhologııalyq trenıngteri, ádebı PARTY, «Kann» festıvalinde gran-prı ıelengen qysqametrajdy «Sháı» (О́zbekstan) fılminiń qazaqsha tıflokomentarıı nusqasy, sondaı-aq «Jyl tańdaýy – 2022» qorytyndylaý saltanaty da óz deńgeıinde jalǵasty.
Is-sharaǵa Nazarbaev Ýnıversıteti ǵylymı kitaphanasynyń bas sarapshysy P.Lapo, Qazaqstan Respýblıkasy Prezıdentiniń janyndaǵy Memlekettik basqarý akademııasynyń baspasóz hatshysy Bıbigúl Qulaman, SMM menedjer Aıgerim Erjanova, podkaster Eldar Qudaıbergenov, mobılograf maman Nurjan Nurlanuly, psıhologtar Saltanat Áskerbekqyzy men Veronıka Balgarskaıa, aqyndar Saltanat Qaıyrbek, Sherhan Talap, Aızada Rahymjanova, Aıan Meırash t.b. qalamgerler men stýdentter, bir top zııaly qaýym ókilderi qatysyp, óz oılaryn ortaǵa saldy.
Bul kezdesýge Qazaqstan Respýblıkasynyń Tuńǵysh Prezıdenti – Elbasy kitaphanasy, Nazarbaev Ýnıversıtetiniń ǵylymı kitaphanasy, L.Gýmılev atyndaǵy Eýrazııa ulttyq ýnıversıtetiniń ǵylymı kitaphanasy, Qazaqstannyń oblystyq kitaphanalary seriktes boldy.