Aǵymdaǵy jylytý maýsymynyń ótýin baqylaý maqsatynda Atomdyq jáne energetıkalyq qadaǵalaý men baqylaý komıtetiniń basshylyǵy «Arselor Mıttal Temirtaý» AQ JEO-2 jáne «Qaraǵandy-Energosentr» AQ JEO-3 bardy, dep habarlaıdy Egemen.kz.
JEO-2 qazandyq pen týrbınalyq sehtardyń negizgi jabdyqtary tekserildi. Qazirgi ýaqytta 6 qazandyqtyń 4-i jumys isteıdi. № 2 qazandyq 2023 jyldyń 10 qańtaryna deıin jóndelýde. Qosalqy jabdyqtaǵy aqaýlardy joıý úshin № 3 qazandyq toqtatyldy. Turaqty jylýmen qamtamasyz etý máseleleri Qaraǵandy oblysy ákiminiń birinshi orynbasary Vadım Basın men Temirtaý qalasynyń ákimi Oraz Taýrbekovtiń qatysýymen ótken keńeste qaraldy. № 2 qazandyqty kúrdeli jóndeýdi aıaqtaýdy jedeldetý jáne gaz tazartý jabdyqtary boıynsha jóndeý jumystaryn júrgizý qajettiligi atap ótildi.
Tekserý kezde «Qaraǵandy-Energosentr» JShS kúrdeli jóndeýden keıin № 5 týrbına boıynsha iske qosý operasııalarynyń barysymen, sondaı-aq kómirdi jınaqtaý máselelerimen tanysty. Komıtet «QTJ «UK» AQ jáne «Bogatyr-Kómir» JShS-men birlesip qorlardy ulǵaıtý maqsatynda kómir marshrýttaryn tasymaldaýdy úılestirý boıynsha jumys júrgizilip jatyr.