Astanada EXPO kórme kesheniniń alańynda «Astana Muz Fest» aýqymdy qysqy festıvali ótip jatyr. Is-shara qala turǵyndarynyń bos ýaqytyn paıdaly ótkizý úshin uıymdastyryldy, dep habarlaıdy Egemen.kz qala ákimdiginiń resmı saıtyna silteme jasap.
Qysqy festıval 25 jeltoqsanǵa deıin jalǵasady.
Bir apta ishinde EXPO kórme ortalyǵynyń janyndaǵy muz qalashyǵy elorda turǵyndary men qonaqtarynyń bos ýaqytyn paıdaly ótkizýge arnalǵan oryn bolady. Munda konkımen syrǵanap, músinder men fotoaımaqtar janynda sýretke túsýge bolady, sol sııaqty qysqy is-sharalarǵa qatysa alasyz – anımatorlardyń oıyn-saýyqtary men oıyndary, bı jarystary, arqan tartý, balalardy konkı tebýge úıretý, estafetalar jáne t.b. uıymdastyrylady.
Festıvalge kelýshiler is-sharalarǵa qatysqany úshin syılyqtar utyp ala alady.
Demalys kúnderi, ıaǵnı 24 jáne 25 jeltoqsanda anımatorlar balalar úshin erteńgilik ótkizedi, kásibı mamandarmen konkı tebý sabaqtary uıymdastyrylady.
Qysqy festıval sońynda uıymdastyrýshylar kelýshiler arasynda júldeler utys oıynyn, qazaqstandyq juldyzdardyń: JanSax saksofonshysy, Normat Dosymhannyń tık-tok juldyzdary, Mona Songz, Colorit oryndaýshylary jáne BIP House almatylyq tık-tokerleriniń qatysýymen konserttik baǵdarlama ótkizedi.