Qaraǵandyda joldardy qardan tazartý jumystaryna 160 jumysshy men 180-nen astam arnaıy tehnıka jumyldyryldy. Bir táýlik ishinde qala aýmaǵynan 18 myń tekshe metrden astam qar shyǵaryldy, dep habarlaıdy Egemen.kz.
Qala ákimdigi usynǵan málimetke qaraǵanda, búgin Qaraǵandy joldary men trotýarlaryn qardan tazalaýǵa 184 arnaıy tehnıka men 160 jol jumysshysy jumyldyrylǵan.
«Birinshi kezekte qardy avtobýs marshrýttary ótetin negizgi magıstraldardan, qoǵamdyq kóliktiń kirme aıaldama qaltalarynan, trotýarlardan, jaıaý júrginshiler ótkelderinen jáne odan ári basqa ýchaskelerden shyǵaramyz», dep habarlady qala ákimdigi.
Aýa raıynyń qolaısyzdyǵyna baılanysty qar tazalaý tehnıkasynyń jumysy kúsheıtilgen rejımde – eki aýysymda júrgizilip jatyr.
Sońǵy táýlikte qala aýmaǵynan 18 myń tekshe metr qar shyǵaryldy.