7 qańtarda Almaty oblysynda arnaıy operasııa ótti. Polısııa jasyryn esirtki zerthanasyn anyqtap, 30 keli mefedron tárkiledi, dep habarlaıdy Egemen.kz.
Arnaıy operasııany Ishki ister mınıstrligi men Ulttyq qaýipsizdik komıteti birlesip uıymdastyrdy.
Anyqtalǵandaı, esirtki zerthanasyn uıymdastyrýshy sıntetıkalyq esirtkiniń aýqymdy óndirisin jolǵa qoıǵan. Tintý barysynda barlyǵy 30 keli mefedron jáne esirtki óndirýge arnalǵan bir tonnadan astam hımııalyq reagentter tabylyp, tárkilendi.
Atalǵan fakti boıynsha Qazaqstan Respýblıkasy Qylmystyq kodeksiniń 297-babynyń 3-bóligi boıynsha sotqa deıingi tergeý bastaldy.