Alystaǵy elmen alys-beris artady

Qazaqstan Respýblıkasy Syrtqy ister mınıstriniń orynbasary Erjan Ashyqbaev Kýba Respýblıkasynda saparmen boldy. Sapar barysynda qazaq­standyq dıplomat Kýbanyń Syrtqy ister mınıstri Brý­no Rodrıgespen kezdesip, Qazaq­stan Prezıdenti Nursultan Na­zar­baevtyń Kýba Memlekettik keńesi men Mınıstrler keńesiniń tóraǵasy Raýl Kastroǵa joldaý hatyn tapsyrdy. Kezdesý barysynda E.Ashyqbaev, sonymen qatar, Qazaqstan Syrtqy ister mı­nıstri Erlan Ydyrysovtyń aty­nan Kýba syrtqy saıasat ve­domstvo­synyń basshysyn As­tana­ǵa resmı saparmen kelýge sha­qyr­dy. Kýbalyq tarap bul shaqy­rýdy rızashylyqpen qabyl aldy. Qazaqstandyq delegasııa Kýba Syrtqy ister mınıstriniń oryn­basary Rohelıo Sıerra bas­qarǵan kýbalyq delegasııamen vedomstvoaralyq konsýlta­sııalar ótkizdi. Ekijaqty formattaǵy, sondaı-aq, BUU jáne basqa da halyqaralyq uıymdar sheńberindegi yntymaqtastyq máseleleriniń keń aýqymy talqy­landy. Taraptar saıası únqa­ty­sýdyń kúsheıýi men ekijaqty qu­qyq­tyq negizdiń dáıekti túrde keńeıýin qanaǵat sezimmen atap ótti. Qazaqstan delegasııasynyń kýbalyq jetekshi bıofar­ma­sevtıkalyq jáne hımııalyq ónimderdi shyǵaratyn kásiporyn – «Labıofam» men Gendik ınjenerııa jáne bıotehnologııa­lar ortalyǵyna saparlary nátı­jesinde densaýlyq saqtaý sala­syndaǵy yntymaqtastyq pers­pektıvalary belgilendi. E.Ashyqbaev pen R.Sıerra eki el arasyndaǵy vızalyq tár­tipti odan ári jeńildetýdi qol­daı­tyndaryn atap ótti. Bul eki eldiń iskerlik baılanystarynyń keńeıýine jáne týrıstik alma­sýdyń artýyna jol ashatyn bolady. Sondaı-aq, qazaqstandyq dıplomat Kýba Syrtqy saýda jáne shetel ınvestısııalary mınıstriniń orynbasary Ilıana Nýnespen, Kýba kommýnıstik partııasy Ortalyq Komıtetiniń syrtqy ister departamenti basshysynyń orynbasary Os­kar Martınespen jáne Kýba Halyq bıligi ulttyq assambleıa­sy tóraǵasynyń orynbasary Ana Marııa Machadomen kezdesti. Taraptar túrli salalardaǵy yn­tymaqtastyqty jandandyrýdy qoldaıtyndaryn atap ótti. QR SIM basshysynyń orynbasary Kýbanyń ulttyq qaharmany Hose Martı eskertkishine gúl shoǵyn qoıyp, kýbalyq BAQ-qa eksklıýzıvti suhbat berdi. «Egemen-aqparat».