2014 jylǵy 3 maýsym, Astana, Úkimet Úıi
Qazaqstan Respýblıkasynyń aýmaǵynan óńdelmegen baǵaly metaldardy, baǵaly metaldardyń synyqtary men qaldyqtaryn jáne quramynda baǵaly metaldar bar shıkizat taýarlaryn áketýge ýaqytsha tyıym salý týraly
2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna jáne 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlarmen jasalatyn syrtqy saýdany qozǵaıtyn sharalardy engizý jáne qoldaný tártibi týraly kelisimniń 8-babyna sáıkes Qazaqstan Respýblıkasynyń Úkimeti qaýly etedi:
1. Osy qaýlyǵa qosymshaǵa sáıkes Qazaqstan Respýblıkasynyń aýmaǵynan óńdelmegen baǵaly metaldardy, baǵaly metaldardyń synyqtary men qaldyqtaryn jáne quramynda baǵaly metaldar bar shıkizat taýarlaryn áketýge ýaqytsha tyıym salý engizilsin.
2. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń 1-tarmaǵynyń oryndalýyn qamtamasyz etsin.
3. Qazaqstan Respýblıkasy Ekonomıka jáne bıýdjettik josparlaý mınıstrligi zańnamada belgilengen tártippen:
1) osy qaýlynyń 1-tarmaǵynda kórsetilgen tyıym salýdyń engizilgeni týraly Eýrazııalyq ekonomıkalyq komıssııasyn habardar etsin;
2) Eýrazııalyq ekonomıkalyq komıssııanyń qaraýyna Keden odaǵyna qatysýshy basqa memleketterdiń osy qaýlynyń 1-tarmaǵynda kórsetilgen sharalardy qoldanýy týraly usynystar engizsin.
4. Qazaqstan Respýblıkasy Syrtqy ister mınıstrligi osy qaýly qoldanysqa engizilgen kúnnen bastap kúntizbelik on tórt kúnniń ishinde Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn habardar etsin.
5. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi jáne qoldanysqa engizilgen kúninen bastap alty aı boıy qoldanylady.
Qazaqstan Respýblıkasynyń
Premer-Mınıstri K.MÁSIMOV.
Qazaqstan Respýblıkasy Úkimetiniń
2014 jylǵy 3 maýsymdaǵy №606 qaýlysyna qosymsha
Qazaqstan Respýblıkasynyń aýmaǵynan ýaqytsha áketýge tyıym salynǵan, óńdelmegen baǵaly metaldar, baǵaly metaldardyń synyqtary men qaldyqtary jáne quramynda baǵaly metaldar bar shıkizat taýarlary
R/s№
Taýardyń qysqasha ataýy
SEQ TN kody
1.
О́ńdelmegen nemese jartylaı óńdelgen, nemese untaq túrindegi altyn (platınadan alynǵan galvanıkalyq qaptamasy bar altyndy qosa alǵanda):– monetarlyq emes:
– – untaq;
– – ózge de óńdelmegen nysandarda:
– – – ózgeleri (óńdelmegen, sol sııaqty tazartylǵan
túrdegi, tazalyǵy lıgatýralyq salmaqtyń 1000 úlesine qatysty 995 myń úleske teń nemese odan artyq, bul 995 synamaǵa, 995 promıllege, 99,5 paıyzǵa nemese 23,88 karatqa sáıkes túıirshiktelgen altyndy qospaǵanda)
7108 11 000 07108 12 000 9
2.
Baǵaly metaldardyń nemese baǵaly metaldar jalatylǵan metaldardyń qaldyqtary men synyqtary; negizinen baǵaly metaldardy shyǵarý úshin paıdalanylatyn, quramynda baǵaly metall nemese baǵaly metaldardyń qosylystary bar ózge qaldyqtar men synyqtary:– – altyn jalatylǵan metaldy qosa alǵanda, biraq quramynda basqa da baǵaly metaldar bar qaldyqtardy qospaǵanda, altyn
7112 91 000 0