Respýblıkalyq mańyzy bar avtomobıl joldarynyń ulttyq operatory 2023 jyldyń 13 qańtarynda tórt oblysta kólik qozǵalysyna ýaqytsha shekteý engizilgeni týraly habarlady, dep jazady Egemen.kz.
QazAvtoJol habarlaǵandaı, 11:15-tegi jaǵdaı boıynsha elimizdiń tórt oblysynda oryn alǵan qolaısyz aýa-raıyna baılanysty respýblıkalyq mańyzy bar avtojoldardyń jeti ýchaskesinde qozǵalys ýaqytsha shekteldi.
Avtojoldardy tazartý úshin 250 birlik jol-paıdalaný tehnıkasy men 350-den astam jumysshy jumyldyryldy. Táýligine 900 tekshe metr muzǵa qarsy materıal jumsaldy.
Sondaı-aq ulttyq operator 13 qańtarda Pavlodar oblysynyń Respýblıkalyq mańyzy bar avtomobıl joldarynda kelesi baǵyttar boıynsha qozǵalys shektelgenin atap ótti:
Astana – Ereımentaý – Shiderti avtojolynyń 205-259 shaqyrymy (Aqmola oblysynyń shekarasynan Shiderti kentine deıin); Qalqaman - Baıanaýyl - Úmitker - Botaqara avtojolynyń 0-231 shaqyrymy (Qalqaman kentinen Qaraǵandy oblysynyń shekarasyna deıin).