2014 jylǵy 11 maýsymda Qaraǵandy oblystyq sotynyń Qazaqstan Respýblıkasy Azamattyq kodeksi 218-babynyń 6-tarmaǵyn konstıtýsııalyq emes dep taný týraly usynymy boıynsha Konstıtýsııalyq Keńestiń normatıvtik qaýlysy shyqty.
Buǵan deıin habarlaǵanymyzdaı, Qaraǵandy oblystyq soty Qazaqstan Respýblıkasy Azamattyq kodeksiniń 218-baby 6-tarmaǵyn konstıtýsııalyq emes dep taný týraly usynymmen Konstıtýsııalyq Keńeske júgindi, ıaǵnı Azamattyq kodekstiń 218-baby 6-tarmaǵynyń erejelerine silteme jasaı otyryp, múlikti májbúrli túrde jarııa saýdaǵa salyp satý týraly másele qoıǵan, bul tarmaqqa sáıkes osy baptyń 3-5-tarmaqtarynda baıandalǵan erejeler boıynsha ortaq múlikti bólý isin júrgizýdiń ne odan úlesti bólip shyǵarýdyń tıimsizdigi aıqyn bolǵan jaǵdaıda sot múlikti jarııa saýdaǵa salyp satyp, keıin odan túsken somany ortaq menshikke qatysýshylar arasynda olardyń úlesterine sáıkes bólip berý týraly sheshim shyǵarýǵa quqyly.
Konstıtýsııalyq Keńes usynymdy jan-jaqty qarap, memlekettik organdar ókilderiniń Keńes otyrysynda sóılegen sózderin tyńdap, oı-tujyrymdaryn, sarapshylardyń qorytyndylaryn, sonymen qatar, ózge de konstıtýsııalyq is júrgizýdiń materıaldaryn zerdelep, kelesi qorytyndylarǵa keldi.
1. 1994 jylǵy 27 jeltoqsandaǵy №268-HIII Qazaqstan Respýblıkasy Azamattyq kodeksiniń (Jalpy bólim) 218-babynyń 6-tarmaǵy Qazaqstan Respýblıkasynyń Konstıtýsııasyna sáıkes dep tanylsyn.
2. Qazaqstan Respýblıkasynyń Úkimetine, 1994 jylǵy 27 jeltoqsandaǵy №268-HIII Qazaqstan Respýblıkasynyń Azamattyq kodeksin (Jalpy bólim) Qazaqstan Respýblıkasy Konstıtýsııalyq Keńesiniń osy normatıvtik qaýlyda baıandalǵan quqyqtyq ustanymdaryna sáıkestendirý maqsatynda oǵan ózgerister men tolyqtyrýlar engizýge bastama jasaý máselesin qaraý usynylsyn.
3. Qazaqstan Respýblıkasynyń Joǵarǵy Sotyna, Qazaqstan Respýblıkasy Konstıtýsııasynyń 81-baby negizinde biryńǵaı sot praktıkasyn qamtamasyz etý maqsatynda,1994 jylǵy 27 jeltoqsandaǵy №268-HIII Qazaqstan Respýblıkasy Azamattyq kodeksiniń (Jalpy bólim) 218-babynyń normalaryn jáne solarmen baılanysty zańnamalyq erejelerdi Qazaqstan Respýblıkasy Konstıtýsııalyq Keńesiniń osy normatıvtik qaýlysynda belgilengen konstıtýsııalyq-quqyqtyq maǵynasynda qoldaný máselelerin túsindiretin normatıvtik qaýly qabyldaý usynylsyn.
4. Qazaqstan Respýblıkasy Konstıtýsııasynyń 74-babynyń 3-tarmaǵyna sáıkes qaýly ony qabyldaǵan kúnnen bastap kúshine enedi, shaǵymdanýǵa jatpaıdy, Respýblıkanyń búkil aýmaǵynda jalpyǵa birdeı mindetti jáne Qazaqstan Respýblıkasy Konstıtýsııasynyń 73-babynyń 4-tarmaǵynda kózdelgen retti eskere otyryp, túpkilikti bolyp tabylady.