* Qazaqstanda Energetıkalyq hartııa úderisin damytýdyń negizgi baǵyttaryn anyqtaıtyn qujat daıyndalady. Bul týraly málimdegen Munaı jáne gaz mınıstri Uzaqbaı Qarabalın bıylǵy 26-27 qarasha kúnderi ótetin hartııa konferensııasy sessııasy qorytyndysynda ázirlenetin Astana qalasynyń 2015-2019 jyldarǵa arnalǵan «Jol kartasynyń» strategııalyq negizgi baǵyttardy anyqtaıtyn qujat bolýy múmkin ekenin aıtty.
* Nazarbaev Ýnıversıtetiniń aınalasynda ǵylymı-zertteý jáne korporatıvtik ortalyqtar beldeýi qurylady. Premer-Mınıstrdiń orynbasary Gúlshara Ábdiqalyqovanyń aıtýynsha, atalmysh oqý ornynda jańartylmaly energetıka, qorshaǵan orta, kompıýterlik tehnologııalar, bıohımııa, robototehnıka, fızıka baǵyttary boıynsha 45 ǵylymı joba júzege asyrylady.
* Shyǵys Qazaqstanda densaýlyq saqtaý qyzmetkerlerine tól merekeleri qarsańynda 58 jeńil avtomobıl tapsyryldy. Semeı qalasyndaǵy ortalyq alańda ótken bul rásimde dárigerlerge kólik kiltterin tabys etken oblys ákimi Berdibek Saparbaev buǵan qosa taǵy 6 medısına qyzmetkeriniń «Qoljetimdi baspana» baǵdarlamasy boıynsha páterli bolǵanyn jarııa etti.
* Aqmolalyq ónertapqysh bıootyn men tyńaıtqysh óndire bastady. Oblystyń Sandyqtaý aýdanyndaǵy Shańtóbe kentinde ornalasqan «Vega» JShS dırektorynyń orynbasary Ivan Chesovıkın bulardy sıyrdyń qıyn óńdeý arqyly jasap jatyr.
* Qaraǵandy oblysynda qubyr shyǵaratyn zaýyttyń iske qosylar shaǵy jaqyn. Onyń qurylysyna germanııalyq ınvestorlar 1,5 mlrd. teńgeden astam qarajat saldy. Jylý júıesi men munaı óndirýde kádege jaraıtyn qubyrlardyń kepildik merzimi uzaq ári sapasy joǵary. Jańa zaýyt arnaıy ekonomıkalyq aımaqta ornalasqan.
* Shymkentte 8 myń oryndyq jańa meshit boı kóteredi. Keshe Ońtústik Qazaqstan oblysynyń ákimi Asqar Myrzahmetov pen óńirdiń zııaly qaýym ókilderi jańa quthananyń kapsýlasyn salý rásimine qatysty. Barsha musylman úshin qasıetti Oraza aıynyń aldynda qurylysy bastalatyn nysan 2016 jyly qasıetti Ramazan aıynda el ıgiligine aınalatyn bolady.
* Qyzylordadaǵy kolledjder Álemdik damý bankiniń granttaryn jeńip aldy. Bul týraly baıandaǵan oblystyq bilim basqarmasynyń basshysy Naýryzbaı Baıqadamov bıyl jańadan ashylatyn 10 mamandyqqa oblystyq bıýdjetten 106,0 mln. teńge qarjy bólinip otyrǵanyn jetkizdi.
* Atyraý oblysynda balalardyń jazǵy demalysyna 128,7 mln. teńge bólindi. Jalpy, bıyl aımaqtyń 17 myń mektep oqýshysy jazǵy demalystaryn oblystan tys jerlerde ótkizedi. Olardyń arasynda jetim balalardyń úles salmaǵy basym.
«QazAqparat», 24KZ,
Altaynews.kz, Egemen.kz agenttikteriniń saıttary derekteri boıynsha daıyndaldy.