Bul týraly Birikkken Arab Ámirlikterine resmı sapary aıasynda «Abý Dabı turaqty damý aptalyǵy» sammıtine qatysqan Qasym-Jomart Toqaev aıtty, dep habarlaıdy Egemen.kz.
«Klımattyń ózgerýin tejeý strategııasy úshin orman ósirý ómirlik mańyzy bar baǵyt dep sanaımyz. Osyǵan oraı Qazaqstan Klımattyń ózgerýi jónindegi BUU 26-shy konferensııasynda qabyldanǵan Orman men jerdi paıdalaný deklarasııasyna qosyldy. Elimizde 2025 jylǵa deıin eki mıllıard aǵash otyrǵyzýdy kózdeıtin aýqymdy joba bastaldy. Byltyr 282 mıllıon túp aǵash otyrǵyzyldy. Bıyl taǵy 410 mıllıon aǵash otyrǵyzý josparlanyp otyr», dedi ol.