Elbasy Nursultan Nazarbaev Qazaqstan Prezıdenti janyndaǵy Shetel ınvestorlary keńesiniń aıasynda «Polfarma» baqylaýshylar keńesiniń prezıdenti Ejı Starakpen kezdesti, dep habarlady Prezıdenttiń baspasóz qyzmeti.
Kezdesý barysynda kompanııa qyzmetiniń negizgi baǵyttary, sondaı-aq, onyń Qazaqstannyń ındýstrııalyq-ınnovasııalyq damý baǵdarlamasy aıasyndaǵy jobalardy júzege asyrýǵa qatysýy sóz boldy.
Memleket basshysy eldegi densaýlyq saqtaý júıesiniń odan ári damýyn qamtamasyz etý úshin farmasevtıka salasynda joǵary standarttardy saqtaýdyń mańyzdylyǵyn atap ótti.
«Polfarma» – Polshanyń dárilik preparattar men belsendi farmasevtıkalyq zattar shyǵaratyn iri óndirýshisi. 7,5 myńǵa jýyq adam jumys isteıtin kompanııa 600-ge jýyq ataýly ónim shyǵarady.