Memleket basshysy Nursultan Nazarbaev Qazaqstan Prezıdenti janyndaǵy Shetel ınvestorlary keńesiniń aıasynda «Reseı Sberbanki» AAQ prezıdenti jáne basqarma tóraǵasy German Grefti qabyldady, dep habarlady Prezıdenttiń baspasóz qyzmeti.
Kezdesý barysynda banktiń Qazaqstandaǵy qyzmeti, onyń elimizdiń qarjy-ekonomıkalyq sektoryn damytýǵa baǵyttalǵan túrli jobalardy júzege asyrýǵa qatysý máseleleri talqylandy.
Nursultan Nazarbaev pen German Gref respýblıkanyń bank salasynyń damýyndaǵy oń qarqynǵa toqtala otyryp, onyń ósip kele jatqan áleýetin atap ótti.
«Reseı Sberbanki» AAQ – Reseı Federasııasy men TMD elderiniń aýmaǵyndaǵy iri bank. Onyń qyzmetin 100 mıllıonnan astam jeke tulǵa jáne 1 mıllıonǵa jýyq kásiporyn paıdalanady. 15 fılıaly bar «Reseı Sberbanki» AQ enshiles banki Qazaqstanda 2006 jyldan beri jumys isteıdi.