Zań jobalary maquldanyp, Senat túzetýlerine kelisim berildi

Keshe Parlament Májilisiniń Tóraǵasy Qabıbolla Jaqypovtyń tóraǵalyǵymen ótken jalpy otyrysta depýtattar «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń poshta baılanysy salasyndaǵy zańnamasynyń normalaryn Dúnıejúzilik posh­ta odaǵy aktileriniń normalarymen birizdendirý jáne poshta operatorlarynyń qyzmetin retteý máseleleri boıynsha ózgerister men tolyqtyrýlar engizý týraly» zań jobasyn maquldady. Parlament depýtattary Sh.О́te­misov, Z.Balıeva, H.Valıev, G.Isim­baeva, S.Ospanov, M.Pishembaev, A.Samaqova, G.Seıitmaǵambetova, E.Tarasenko bastamashy bolǵan zań jobasyna qatysty Agrarlyq máseleler komıtetiniń múshesi Ulasbek Sádibekov qosymsha baıan­dama jasady. Depýtattardyń aıtýynsha, bul zań jobasy Elbasynyń «Qazaq­stan joly – 2050: bir maqsat, bir múdde, bir bolashaq» atty Jol­daýynda eldiń tranzıttik áleýetin, logıstıkalyq qyzmetter kórsetýdi jáne halyqaralyq saýdany damytý boıynsha atap kórsetken strategııalyq mindetterge qol jetkizý jáne oryndaý, sondaı-aq, Qazaqstan Respýblıkasynyń posh­ta baılanysy salasyndaǵy zań­namasyn halyqaralyq zańnamaǵa, atap aıtqanda, Dúnıejúzilik posh­ta odaǵynyń aktilerine sáıkes keltirý negizinde ázirlengen. Otyrys barysynda taǵaı­yndalǵan operatordy aıqyndaýǵa qatysty máseleni Qazaqstannyń sheshpeýine baılanysty Dúnıe­júzilik poshta odaǵy atynan EMS kooperatıvi 2014 jylǵy 1 shildeden bastap barlyq múshelik jeńildikterdi Qazaqstanǵa berýdi toqtatatyny týraly Ulttyq poshta operatoryn habardar etkeni aıtyldy. Sondaı-aq, depýtattar qazirgi tańda qabyldanǵan halyqaralyq mindettemelerdi oryndaýdyń qajettiligi týyp turǵanyn, osyǵan baılanysty zań jobasynyń minde­ti poshta baılanysy kórsetetin qyzmetter naryǵyndaǵy qaty­nas­tardy uıymdastyrýdyń jańa modelin engizý bolyp tabylatynyn jetkizdi. Al bul jańa model birneshe jańalyqtarǵa negizdeledi. Olar: taǵaıyndalǵan operator ınstıtýtyn jáne «posh­ta baılanysynyń ámbebap kórsetiletin qyzmetteri» uǵymyn engizý, taǵaıyndalǵan operatorǵa poshta baılanysynyń ámbebap qyzmetterin kórsetý jónindegi mindettemelerdi bekitip berý. Buǵan qosa, osy zań jobasyna sáıkes 4 zańnamalyq aktige, onyń ishinde, «Pochta týraly», «Tabıǵı monopolııalar jáne retteletin naryqtar týraly», «Baılanys týraly» jáne «Avtomobıl kóli­gi týraly» Qazaqstan Respýb­lıkasynyń zańdaryna ózgerister men tolyqtyrýlar engizilipti. Otyrysta, sonymen qatar, «Qa­zaqstan Respýblıkasynyń Úki­meti men Estonııa Respýb­lıka­synyń Úkimeti arasyndaǵy Investısııalardy kótermeleý jáne ózara qorǵaý týraly kelisimdi ratıfıkasııalaý týraly» zań jobasy da maquldandy. Sóz al­ǵan palatanyń Halyqaralyq ister, qorǵanys jáne qaýipsizdik ko­mıtetiniń múshesi Turarbek Asa­nov bul kelisim elderdiń ınves­tısııalyq ahýalyn jaqsar­týǵa jáne memleketter arasyn­daǵy ózara tıimdi saýda-ekono­mı­kalyq yntymaqtastyqty odan ári damytýǵa yqpal etetinin má­lim­dedi. Iаǵnı budan keıin árbir tarap óziniń ulttyq zańnamasyna sáıkes, óz aýmaǵynda ınvestı­sııa­lardy júzege asyrý úshin ekin­shi taraptyń ınvestorla­ryn kótermelep, olarǵa qo­laı­ly jaǵdaılar jasaıtyn bolady. Sondaı-aq, árbir tarap óz aýmaǵynda ekinshi tarap ın­ves­torlarynyń ınvestısııalary men kiristeriniń tolyq qorǵalýyn jáne qaýipsizdikti qamtamasyz etýge tıis. Palata otyrysynda depý­tat­tar «Qazaqstan Res­pýblı­kasy­nyń Úkimeti men Reseı Fede­ra­sııasynyń Úkimeti arasyndaǵy Qazaqstan Respýblıkasynyń aýmaǵy arqyly Qytaı Halyq Res­pýblıkasyna reseılik munaıdy tasymaldaý salasyndaǵy yn­ty­maqtastyq týraly kelisimdi ratıfıkasııalaý týraly» zań jobasyn da maquldady. Bul zań jobasy týrasynda sóz alǵan Májilistiń Halyqaralyq ister, qorǵanys jáne qaýipsizdik komıtetiniń hatshysy Vıktor Rogalev kelisimniń maq­saty reseılik munaıdy Qazaq­stan Respýblıkasynyń aýma­ǵy ar­qyly Qytaı Halyq Res­pýb­lı­kasyna tasymaldaý úshin jaǵdaı jasaý bolyp tabylatynyn atap ótti. Depýtattar «Qazaqstan Res­pýb­lıkasynyń Úkimeti men Ita­­­lııa Respýblıkasynyń Úki­meti arasyndaǵy Aýǵanstan Is­lam Respýblıkasyn turaq­tan­dyrý men qalpyna keltirý jónin­degi is-qımyldarǵa Ita­lııa Respýblıkasy Qarýly Kúsh­teriniń qatysýyna baılanysty Qazaqstan Respýblıkasynyń aý­maǵy arqyly áskerı múlik pen personaldyń tranzıtin qamtamasyz etý týraly kelisimdi ratıfıkasııalaý týraly» zań jobasynda maquldady. Májilistiń Halyqaralyq ister, qorǵanys jáne qaýipsizdik komıtetiniń múshesi Baqytjan Ertaev bul kelisim Aýǵanstan Islam Res­pýb­lıkasyn turaqtandyrý men qal­pyna keltirý jónindegi halyq­aralyq is-qımyldardy qol­daý maqsatynda Qazaqstan Res­pýb­lıkasynyń aýmaǵy arqyly Italııa Respýblıkasynyń áske­rı múlki men personalynyń tranzıtin júzege asyrý tártibin aıqyndaıtynyn habarlady. Jalpy otyrys aıasynda «Kas­pıı teńizindegi qaýipsizdik sala­syndaǵy yntymaqtastyq týra­ly kelisimdi ratıfıkasııa­laý týraly», «Qazaqstan Res­pýb­lıkasynyń Úkimeti men О́zbekstan Respýblıkasy Úkimetiniń arasyndaǵy shekara ókilderiniń qyzmeti týraly kelisimdi ratıfıkasııalaý týraly», «Qazaqstan Respýblıkasynyń azamattaryna, oralmandarǵa jáne Qazaqstan Respýblıkasynda turýǵa yqtııar­haty bar tulǵalarǵa olardyń múlikti jarııa etýine baılanysty raqymshylyq jasaý týraly» zań jobalarynda qarap, qabyldady. Máselen, «Qazaqstan Res­pýb­lıkasynyń Úkimeti men О́zbekstan Respýblıkasy Úkimetiniń ara­syn­daǵy shekara ókilderiniń qyz­meti týraly kelisimdi ratıfıkasııalaý týraly» zań jobasyna qatysty Májilistiń Halyqaralyq ister, qorǵanys jáne qaýipsizdik komıtetiniń múshesi Orazkúl Asanǵazy shekara ókilderiniń birlesken ju­mysy josparly jáne jospardan tys bolýy múmkin otyrystar­da nemese kezdesýlerde júrgiziletinin, kelisimge sáıkes, taraptar shekara ókilderi men shekara ókilderiniń orynbasarlaryn taǵaıyndaıtynyn jetkizdi. Bul kúngi otyrysta Par­la­ment Májilisi sondaı-aq, Qa­zaq­stan Respýblıkasy Qylmys­tyq kodeksiniń jobasy men qyl­mystyq zańnamany jetildirý máseleleri boıynsha ózgeristerge Senat engizgen túzetýlerge ke­li­simin berdi. Láıla EDILQYZY, «Egemen Qazaqstan».