Bul týraly Úkimet otyrysynda Aýyl sharýashylyǵy mınıstri Erbol Qarashókeev málimdedi, dep habarlaıdy Egemen.kz.
Jaıylymdyq jerlermen qamtamasyz etpeıinshe mal sharýashylyǵyn tolyqqandy damytý múmkin emes. Bul – elimizdiń azyq-túlik qaýipsizdigine tikeleı qatysy bar asa mańyzdy másele. Osyǵan baılanysty, zańsyz berilgen, bos jatqan jerlerdi qaıtaryp alý jónindegi arnaıy Komıssııa byltyrǵy sáýir aıynan beri jumys istep keledi. Nátıjesinde ótken jyly memleket paıdasyna 5,2 mln gektar jer qaıtaryp alyndy. Onyń ishinde 4,8 mln gektary – jaıylymdyq jerler. Buǵan Memleket basshysynyń Agroónerkásip salasyndaǵy mıkro jáne shaǵyn bıznes sýbektilerine qatysty tekserý júrgizýge múmkindik beretin Jarlyǵy erekshe serpin berdi.
Bıyl taǵy 5 mln gektar jerdi qaıtaryp alý josparlanyp otyr.
«Bul oraıda eldi mekenderdiń mańynda ornalasqan aýyl sharýashylyǵy qurylymdarynyń jerlerin qaıtaryp alý mańyzdy. Olardy qoǵamdyq paıdalanýǵa nemese jeke qosalqy sharýashylyq kooperatıvterine berý qajet. Sonymen qatar eldi mekenderdiń mańynda jaıylymdyq jerlerdiń az bolýy jeke qoldaǵy mal basynyń ósýine shekteý qoıyp otyr. Sondyqtan jaıylymdardy tıimdi paıdalaný úshin jaǵdaı jasaý qajet», dedi Álıhan Smaıylov.