Adam balasy tótennen kelgen ajaldan, onyń ishinde tabıǵı, jol-kólik, túrli apattardan, jazataıym oqıǵalardan aman bolyp, salamatty ómir saltyn ustansa, óz densaýlyǵyn mápelep kútse, baqytty ǵumyr keshýi bek múmkin. Qoǵamdaǵy árbir adamnyń uzaq ómir súrýi halyqtyń ortasha ómir jasynyń uzarýyna da septigin tıgizip jatady. Bul turǵyda ómiri qyl ústinde turǵan jandardy ajaldan arashalaıtyn aqjeleńdi abzal jandar – dárigerlerdiń de úlesin eshkim joqqa shyǵara almaıdy. Mine, alda kele jatqan Medısına qyzmetkerleriniń kúnine oraı elge qyzmet jasap júrgen sol dárigerlerdi atap ótkim kelip otyr. Máselen, esimderi qoǵamǵa ábden tanymal, qoly jeńil otashylar Jaqsylyq Dosqalıevti, Almatydaǵy A.Syzganov atyndaǵy Ulttyq ǵylymı hırýrgııa ortalyǵynyń dırektory Jetkergen Arzyqulovty, onyń orynbasary Nursultan Izmaǵambetovti, taǵy basqa birqatar dárigerlerdi maqtan tutamyz. О́ıtkeni olar Aqtóbe medısına ınstıtýtyn bitirgennen keıin de, qatardaǵy dárigerden shoqtyǵy bıik ǵalym deńgeıine kóterilgen tusta da ustazdaryna alǵys aıtyp, olardyń batasyn alyp Almatyǵa attanyp edi. Endi osy ǵalymdardyń da bir top shákirti bar. Olardyń ishinen sheber otashy ári medısına ýnıversıtetiniń rektory Erbol Bekmuhambetov te kópshilik syılaıtyn el azamaty deńgeıine kóterildi. Aqtóbe №1 qalalyq emhanasy buryn bolmaǵan otalardy jasaý ústinde. Bas dáriger Marat Bıhanov, hırýrgııa bóliminiń meńgerýshisi, joǵary dárejeli otashy Tımýr Qurǵanbekov bastaǵan birqatar mamandar Máskeý qalasynda jańa ınnovasııalyq tehnologııany qoldanýdy úırenip, lazer ádisimen emdep, naýqastardyń myń alǵysyn alýda. Aımaq medısınasyndaǵy jańalyqtar úshin jergilikti densaýlyq saqtaý departamentiniń basshysy Qaırat Sabyrǵa jáne onyń kómekshilerine de alǵys aıtýshylar jeterlik. Qaladaǵy temirjol aýrýhanasyn otyz jyldan beri basqaryp kele jatqan medısına ǵylymdarynyń kandıdaty Qydyrsıyq Erǵalıev te halyqtyń alǵysyn arqalaǵan jan. Osy belgili dárigerlerdi tárbıelep shyǵarǵan áriptesterim, akademık Namaz Izimbergenov pen professor Bolat Ihsanulyna óz atymnan alǵys aıtamyn. Sebebi olar 1964 jyly medısına ınstıtýtyn bitirgennen bastap áli kúnge deıin dárigerlerge bilim berip, tárbıelep júr. Aıtýly mereke qarsańynda áriptesterimdi, basqa da dárigerlerdi jáne ınternderdi shyn nıetten quttyqtap, zor tabys tileımin. Elimizde bereke-birlik bolyp, beıbit qoǵamda eńbek ete bereıik.
Aıash BAIJARQYNOVA,
M.Ospanov atyndaǵy medısına ýnıversıtetiniń
oqytýshysy, medısına ǵylymdarynyń kandıdaty.
AQTО́BE.