Qazaqstannyń elshisi Málik Myrzalın Orbelıanı saraıynda Grýzııa prezıdenti Salome Zýrabıshvılıge senim gramotalaryn tapsyrdy, dep habarlaıdy Egemen.kz SIM baspasóz qyzmetine silteme jasap.
Kezdesý barysynda elshi Grýzııa prezıdentine Qazaqstan Prezıdenti Qasym-Jomart Toqaevtyń jyly lebizderi men izgi tilekterin jetkizdi. Qazaqstan Grýzııamen ekijaqty yntymaqtastyqty odan ári nyǵaıtýǵa, onyń ishinde saýda-ekonomıkalyq jáne kóliktik-logıstıkalyq ózara is-qımyldy jandandyrýǵa zor mán berip otyrǵanyn habarlady.
О́z kezeginde Grýzııa prezıdenti Qazaqstan Grýzııanyń mańyzdy jáne senimdi seriktesi ekenin atap ótti.
Qazaqstan elshisi Grýzııa basshysyn elimizde júrgizilip jatqan saıası jáne áleýmettik-ekonomıkalyq reformalarmen tanystyrdy.
Prezıdent S. Zýrabıshvılı Qazaqstan Prezıdentiniń bastamashylyǵymen júrgizilip jatqan oń ózgeristerge joǵary baǵa berdi.
Suhbat barysynda barlyq ózara tıimdi salalarda ekijaqty baılanystardy odan ári jan-jaqty keńeıtýge jáne tereńdetýge degen ortaq múddelilik atap ótildi.
Kezdesý sońynda Grýzııa prezıdenti Qazaqstan elshisin resmı qyzmetke kirisýimen quttyqtap, eki el arasyndaǵy qatynasty odan ári nyǵaıtý jolyndaǵy jumysyna tabys tiledi.