Jarylys saldarynan eki adam aýrýhanaǵa jatqyzyldy, dep habarlaıdy Egemen.kz.
Jazataıym oqıǵa Qaraǵandy qalasynda saǵat 18:51-de Shors kóshesi, 37-úıde bolǵan.
«2 qabatty turǵyn úıde gaz ballony jarylǵan (kólemi 5 lıtr). 2 adam aýrýhanaǵa jetkizildi», delingen oblystyq TJD baspasóz qyzmeti taratqan habarlamada.
Jarylys saldarynan 1970 jyly týǵan er adam men 1971 jyly týǵan áıel zardap shekti, olar kúıikpen Qaraǵandy qalasynyń oblystyq medısınalyq ortalyǵyna jatqyzyldy. Oqıǵa ornynda 36 qyzmetker men 8 birlik tehnıka jumys istep júr.
Qala ákimdigi zardap shekken turǵyndarǵa jataqhanadaǵy oryndardy usyndy. Oqıǵanyń mán-jaıy anyqtalyp jatyr.