Almatyǵa jumys saparymen barǵan Aqparat jáne qoǵamdyq damý mınıstri Darhan Qydyráli «Qazaq gazetteri» seriktestigine qarasty «Drýjnye rebıata» ujymyn 90 jyldyq mereıtoıymen quttyqtady, dep habarlaıdy Egemen.kz AQDM baspasóz qyzmetine silteme jasap.
«90 jyl boıy balapandarymyzdy qýantyp, tanymdyq-taǵylymdyq aqparattarymen sýsyndatyp júrgen «Drýjnye rebıata» basylymyn mereıtoıymen quttyqtaımyn. Jas urpaqty tárbıeleý jolynda atqaryp júrgen qyzmetterińizdiń jemisin kóre berińizder!
Gazet osy ýaqyt aralyǵynda kóptegen tarıhı oqıǵanyń kýási boldy jáne olarǵa balalar kózimen qaraı bildi. Redaksııa búginge deıin óziniń basty mıssııasy – óskeleń urpaqty shyǵarmashylyqqa, óz eline degen súıispenshilikke jáne aǵa býynǵa degen qurmetke tárbıeleý isin tolyq atqaryp keledi. Balalar baspa basylymdarynyń damýyna qosqan úlesi úshin «Drýjnye rebıata» gazetine alǵysymdy bildiremin!», dedi mınıstr.Jıyn sońynda D.Qydyráli basylymdaǵy birqatar qyzmetkerdi salalyq marapattarmen marapattady.