QR IIDM Azamattyq avıasııa komıteti Ázerbaıjan Respýblıkasynyń avıasııalyq bılik oryndarymen birlesip, «Ázerbaıjan Hava Iollary» áýe kompanııasynyń Baký – Astana jáne Baký – Almaty baǵyttary boıynsha turaqty jolaýshylar reısterin qaıta jańǵyrtý máselesin pysyqtady, dep habarlaıdy Egemen.kz.
Osylaısha, Ázerbaıjan áýekompanııasy 2023 jyldyń 10 naýryzynan bastap Baký – Astana baǵyty boıynsha aptasyna 2 reıs jıiligimen, atap aıtqanda beısenbi jáne senbi kúnderi, sondaı-aq 2023 jyldyń 11 naýryzynan bastap Baký-Almaty baǵyty boıynsha aptasyna 2 reıs jıiligimen (sársenbi, jeksenbi kúnderi) turaqty jolaýshylar reısterin qaıta bastaýdy josparlap otyr.
Reıster A-319/E-190/B-757 tıpti áýe kemelerinde oryndalady.
Aıta ketsek, Qazaqstan men Ázerbaıjan astanalary arasyndaǵy áýe qatynasyn qalpyna keltirý eki el arasyndaǵy saýda-ekonomıkalyq, ınvestısııalyq, týrıstik jáne mádenı-iskerlik yntymaqtastyqty odan ári damytýǵa septigin tıgizedi.