Sońǵy jyldary aýdan ortalyqtarynda stýdentterdi jatyn orynmen qamtamasyz etý jumystary myqtap qolǵa alyna bastady. Buǵan deıin Qulandaǵy aýylsharýashylyq baǵytyndaǵy kolledj qasyndaǵy burynǵy jataqhanaǵa kúrdeli jóndeý jumystary júrgizildi. О́tken jyly Shý aýdanynda da stýdentter úıi jastarǵa esigin aıqara ashty.
15 jyldan beri aýyl sharýashylyǵy mamandaryn daıarlaýmen aınalysyp kele jatqan №3 Baızaq kolledjiniń stýdentteri endi jataqhana máselesine bas aýyrtpaıdy. 369 stýdenti bar oqý ordasyndaǵy 150 jas jataqhanamen qamtylyp otyr.
Ekiqabatty ǵımarattyń ashylý saltanatyna qatysqan oblys ákiminiń orynbasary Erkin Úısimbaev, Bilim basqarmasy basshysynyń orynbasary Muhıt Nysanbaev bul baǵyttaǵy jumystar toqtamaıtynyn aıtsa, aýdan ákimi Baqyt Qazanbasov stýdentter úıiniń sapaly salynýyna atsalysqan kásipker Sánııa Altaevaǵa rızashylyǵyn jetkizdi.
Derekterge sensek, atalǵan nysandy salý úshin qarjy ortalyǵynyń jobasy aıasynda 280 mln teńge qarajat jumsalypty. Munda stýdentterdiń jaıly ómir súrýine barlyq jaǵdaı qarastyrylǵan. Eń bastysy, páter kezgen stýdentter endi jyly jataqhanamen qamtylyp otyrǵany kóńil qýantady.
Aýdan atqaminerleriniń aıtýynsha, jataqhanada jatyn bólmesinen bólek, stýdentterdiń sabaqqa daıyndalýyna arnalǵan bólme, ashana jáne úıirmeler ótkizýge arnalǵan kabınetter bar. Bir sózben aıtqanda stýdentter jataqhanada júrip-aq ózderine yńǵaıly úıirmege qatysyp, kásibı mamandardan tálim ala alady.
Jambyl oblysy,
Baızaq aýdany