Qobyz ulyqtalǵan kesh

Osy mektepte Qazaq KSR-niń eńbek sińirgen muǵalimi Dosymjan Tezekbaevtyń 75 jyl­dyq mereıtoıyna oraı eske alý keshi ótti. Is-shara D.Tezek­baev atyndaǵy kameralyk zalda uıymdastyryldy.

Sóz basynda K.Tezekbaevtyń shákirti, Bilim berý isiniń úzdigi, Mádenıet salasynyń úzdigi, ónertaný ǵylymdarynyń kandıdaty Ǵalııa Orazalıeva saltanatty kesh prıma qoby­zy­nyń jańa­r­tylǵan túriniń ıesi Dosymjan Kúzenulyna arnal­ǵa­nyn aı­typ, ol týraly biraz derek keltirdi.

– 30-jyldary óner salasynda ózgerister bolyp, mýzyka mektepteri ashyldy. Sol tusta Ahmet Jubanovtyń bas­ta­masymen Halyq aspaptar orkestri ómirge keldi. Jan-jaq­­tan talantty oryndaýshylar shaqyrylyp, D.Tezekbaev ta osy ujymǵa qabyldandy. Orkestrde ishekti qylqobyz bola­tyn. Ishekteri qoldan ja­salǵan, dybysy kúńgirt, orkestrge saı kelmeıdi. A.Juba­novtyń bastamasymen qyl­qobyz aspabyna úshinshi ishek tartylady. Osylaı dúnıege prıma qobyzy keldi, – dedi Ǵ.Orazalıeva.

Onyń aıtýynsha, klassıka­lyq shyǵarmalardy oryndaýǵa kel­gende qıyndyq týyndap, úsh ishekti qobyzǵa tór­tin­shi ishek tartylypty. Sonyń nátıjesinde qobyzda oınaý­dyń sheberligi arta túsedi. Oryn­daýshynyń tizesinen syrǵyp ketpeýi úshin syrtqy pishini ózger­tiledi. Kópjyldyq tá­jirı­beniń nátıjesinde yń­ǵaı­ly pishinge keltiriledi. Bul da D.Tezekbaevtyń ashqan jańa­ly­ǵy bolatyn.

1962-1982 jyldary D.Tezek­baev K.Baıseıitova atyn­­­daǵy mekteptiń dırektory bolyp taǵaıyndaldy. 1968 jyly D.Tezekbaevtyń bastamasymen qazirgi mektep salynady. Ol basshylyq etken jyldary kompozısııa jáne hor dırı­jerleý synyptary ashylyp, skrıpka, vıolonchel, qobyz­shylar ansamblderi qurylady.

Atalǵan is-sharada ardaqty ustazyn eske alyp, taǵzym etip kel­gen shákirtteri – Ha­lyq ártisi, professor Ǵalııa Mol­da­karımova, Nazgúl Ábdi­baeva, Jumagúl Tańshyq­qo­jına. Keshte mektep óner­paz­dary óner kórsetti.

Gúlfaram STAMQULOVA,

K.Baıseıitova atyndaǵy mektep-ınternattyń qyzmetkeri