Qasym-Jomart Toqaev Aqmola oblysyna sapary barysynda M.Ǵabdýllın atyndaǵy Azamattyq qorǵaý akademııasyna baryp, kýrsanttar aldynda sóz sóıledi, dep habarlaıdy Egemen.kz Aqordanyń baspasóz qyzmetine silteme jasap.
«Azamattyq qorǵaý júıesi únemi jańǵyrtýdy qajet etedi. Búginde ozyq álemdik tájirıbeni úlgi etý, zamanaýı tehnologııalardy engizý óte mańyzdy. Qutqarýshylardy sapaly daıarlaýǵa erekshe nazar aýdarý qajet. Bul máselede, árıne, komandırler men oqytýshylar negizgi ról atqarady. Osy rette oqý jaǵdaıy úlken mańyzǵa ıe», dedi Prezıdent.
Aıta ketsek, Memleket basshysynyń tapsyrmasy boıynsha Úkimet Akademııanyń materıaldyq-tehnıkalyq bazasyn nyǵaıtý máselelerin pysyqtap jatyr. Jataqhana men oqý korpýsyn salý josparlanǵan.
«Jalpy, memleket eńbekaqyny arttyrý jáne qutqarýshylardyń áleýmettik turǵyda qamtamasyz etilýin jaqsartý úshin júıeli sharalar qabyldap jatyr», dedi Qasym-Jomart Toqaev.