Premer-mınıstrdiń birinshi orynbasary Roman Sklıar depýttardyń jol qurylysyna baılanysty qoıǵan suraǵyna jaýap berdi, dep habarlaıdy Egemen.kz.
«Biz josparlardy túzettik, negizgi másele - qarjylandyrý. Respýblıkalyq joldar respýblıkalyq bıýdjetten jáne nesıeler esebinen qarjylandyrylady. Qaraǵandy-Balqash jolynyń 363 km ýchaskesin qaıta qurý 2018 jyly bastalǵan, aıaqtaý 2023 jylǵa josparlanǵan. Merdigerler jobany túzetýdi aıaqtady, ony IIDM qarap jatyr», dedi Roman Sklıar.
Buǵan deıin Roman Sklıar Qazaqstandaǵy jylý elektr stansalary men elektr jelilerin tekserýdiń aıaqtalý merzimin aıtqan edi.
«Memleket basshysynyń tapsyrmasyna sáıkes, barlyq jylý elektr stansııalary men elektr jelilerine revızııa júrgizildi. Aýdıt osy jyldyń birinshi toqsanynda aıaqtalady. Onyń qorytyndysy boıynsha tıisti is-sharalar jospary qabyldanady», dedi Roman Sklıar.