Ishki ister mınıstrligi jol erejelerin óreskel buzatyn azamattardy tirkeıtin «Qorǵaý» baǵdarlamasy týraly aqparat usyndy, dep habarlaıdy Egemen.kz.
«Depýtattarǵa jol qozǵalysy erejesin óreskel buzatyndardy anyqtaý boıynsha «Qorǵaý» júıesi jumysynyń erekshelikteri jaıynda aıtyp berdik. Baǵdarlama kóshe kameralarynyń málimetterin taldaı otyryp, jaqyn mańdaǵy polıseılerdiń planshetine qaýipti júrgizýshiniń kele jatqany týraly sıgnal beredi», dedi Ishki ister mınıstrliginiń ókili Shuǵyla Turlybek.
Búginde «Qorǵaý» baǵdarlamasynyń kómegimen tártipbuzýshylardyń 18 myńǵa jýyq kóligi aıyp turaǵyna qoıylyp, jalǵan nómir qoldanýdyń 909 deregi anyqtalǵany atap ótildi. Sondaı-aq kólik júrgizý quqyǵy joq nemese buryn quqyǵynan aıyrylǵan úsh myńnan asa júrgizýshi ustalǵan.