«Respublica» partııasy jańa músheleriniń sany boıynsha Qostanaı oblysy kósh bastap tur. Bul týraly partııanyń osy oblystaǵy sharalary kezinde aıtyldy. О́ńirde Parlament saılaýy qarsańynda halyqtyń saıası belsendiliginiń joǵary ekenin atap ótýge bolady.
Osylaısha, tek sońǵy kúnderdiń ózinde qoǵamnyń barlyq salasynda kúrdeli reformalar júrgizý qajettigin qoldap, partııa qataryna 15 myńnan astam adam qosyldy. Al «Respublica» ókilderiniń Qostanaıdaǵy halyqpen kezdesýine 1000-nan astam turǵyn qatysty.
– Birinshiden, belsendilikterińiz úshin sizderge alǵys aıtqym keledi. Sońǵy kezderi bir ǵana Qostanaı oblysynda «Respublica» partııasynyń qataryna 15 myńnan astam adam múshelikke ótti. Bul bizdiń partııaǵa degen senimniń joǵary ekenin jáne «Respublica» usynǵan saıası jáne ekonomıkalyq reformalar baǵytyn qoldaıtyndaryńyzdy kórsetedi. Biz sizderdiń senimderińizdi aqtaýǵa bar kúsh-jigerimizdi salamyz, – dedi partııa tóraǵasy Aıdarbek Qojanazarov.
Qostanaı oblysynyń aýyl sharýashylyǵy oblys ekonomıkasynyń ekinshi negizgi baǵyty bolyp sanalady. О́nerkásipte 119 myńnan astam adam jumys isteıdi, bul jalpy jumyspen qamtylǵan halyqtyń 25 paıyzdan astamyn quraıdy. О́ńirde egis kólemi 5,1 mıllıon gektardan asyp, júzdegen sharýa qojalyqtary irili-usaqty mal ósiredi, sút-taýarly, tipti qulpynaı fermalary damyp, ondaǵan ınvestısııalyq jobalar júzege asyrylýda. Osylaısha, aýyl sharýashylyǵynyń ártúrli salalary dál osy jerde keńinen usynylǵan.
– Qostanaı oblysy úshin aýyl sharýashylyǵy – óte perspektıvaly sala. Al búkil el aýmaǵynda aýyl sharýashylyǵy salasyn damytý biz saılaýaldy baǵdarlamamyzda erekshe nazar aýdaryp otyrǵan sheshýshi faktorǵa aınalyp otyr. Kúshti agroónerkásiptik sektor azamattardyń joǵary ortasha ómir súrý deńgeıin qamtamasyz etýmen, ónimdi jumyspen qamtýdyń ósýimen, óńdeý ónerkásibiniń jáne joǵary tehnologııalardyń damý dárejesimen tikeleı baılanysty. Sondyqtan biz aýyl sharýashylyǵynda ozyq tehnologııalardy keń kólemde qoldanýdy, salany qarjylandyrý máselelerin sheshýdi jaqtaımyz, – dedi partııa tóraǵasy.