Astanada jasóspirimderdiń reprodýktıvti densaýlyǵy taqyrybynda Ashyq esik kúni ótedi, dep habarlaıdy Egemen.kz elorda ákimdiginiń baspasóz qyzmetine silteme jasap.
Jastar densaýlyq ortalyqtary – bul eriktilik, qoljetimdilik, izgi nıet jáne senim qaǵıdattaryna negizdelgen, bul jasóspirimder men jastarǵa keńes berý men qyzmet kórsetýdiń halyqaralyq deńgeıde tanylǵan ıntegrasııalanǵan júıesi. Ortalyqtarda jastar ózderi úshin qajetti keńes pen mamandardyń kómegin ala alady.
3 naýryz kúni №6 qalalyq emhananyń Jastar densaýlyq ortalyǵy bazasynda kelesi mamandardyń tegin konsýltasııalary uıymdastyrylady:
Dermatolog (14:00-20:00); Gınekolog (8:00-18:00); Ýrolog (14:00-20:00); Psıholog (8:00-18:00); Zańger (8:00-18:00); Áleýmettik qyzmetker (8:00-18:00).Kúni boıy beıindi mamandar konsýltatıvtik qabyldaýlar ótkizetin bolady, sondaı-aq trenıngter, ústel oıyndary uıymdastyrylady.
Barlyq nıet bildirgen 14 jastan 29 jasqa deıingi azamattar Amanat kóshesi, 3, 5 qabat, 511 kabınet mekenjaıyna júgine alady.