Densaýlyq saqtaý mınıstrligi Azamattyq qyzmetshilerge, memlekettik bıýdjet qarajaty esebinen ustalatyn uıymdar qyzmetkerlerine, qazynalyq kásiporyndar qyzmetkerlerine eńbekaqy tóleý júıesine birqatar tolyqtyrý engiziletinin habarlady, dep jazady Egemen.kz.
Atap aıtqanda, jedel medısınalyq járdem stansııalarynyń júrgizýshilerine, alǵashqy medısınalyq-sanıtarlyq kómek kórsetetin densaýlyq saqtaý uıymdarynyń janyndaǵy jedel medısınalyq járdem bólimshelerine (mobıldi brıgadalarǵa) erekshe jumys jaǵdaılary úshin bazalyq laýazymdyq jalaqyǵa (35 394 teńge) qosymsha aqy tóleý usynylady.
Densaýlyq saqtaý mınıstrligi Jedel járdem júrgizýshileri qıyn jaǵdaıda jıi tap bolatynyn, halyqqa alǵashqy kómek kórsetetinin, qazaqstandyqtardyń ómirin saqtap qalýǵa qatysatynyn atap ótti.
Túsindirilgendeı, mindetti túrde alǵashqy kómek kýrstarynan ótýge jatatyn medısınalyq bilimi joq adamdar kontıngentine medısınalyq bilimi joq densaýlyq saqtaý uıymdarynyń qyzmetkerleri, onyń ishinde jedel járdem júrgizýshileri de kiredi.
Mınıstrlik ókilderi naqtylaǵandaı, 2023-2025 jyldarǵa arnalǵan qarajatqa qosymsha qajettilik 13 369 mln teńgeni quraıdy. Osylaısha, 11 096 júrgizýshige qosymsha aqy tólenedi.
Qujat 28 naýryzǵa deıin ashyq talqylaý úshin Ashyq NQA saıtynda ornalastyrylǵan.