Osydan biraz buryn Qazaly aýdanyndaǵy Úrmásh Túktibaev aýylynyń turǵyny Perýza Bekenniń baspanasy aıaq astynan otqa oranyp, bir úıli jan dalada qalǵan bolatyn. Aýyldastary qystyń kózi qyraýda úısiz qalǵandardyń janynan tabylyp, kómegin aıamady. Olardyń qınalǵan janǵa kómek kórsetý jaıyndaǵy kópshilikke úndeýin kórshiles Bekarystan bı jáne Maıdakól aýyldarynyń turǵyndary da qoldap, úlesterin qosty. Az ýaqyt ishinde baspanaǵa qajetti qarjy jınalyp, jaqynda Perýza Bekenge úıdiń kilti tabystaldy.
Sharaǵa qatysqan aýdan ákimi Muhtar Orazbaev qınalǵan jandy qaǵajý qaldyrmaı, qamqorlyq tanytqan aýyldaǵylarǵa alǵys aıtyp, ıgi bastamanyń iske asýyna uıytqy bolǵan Jánıet О́tegen, Balyqbaı Tórehanuly, Balǵazy Aımaǵanbetuly, Almas Úseıinuly, Izat Ǵabdýlla men Nursultan Ońtalapulyna Alǵyshat tabys etti.
Aýyldastarynyń arqasynda jańa baspanaly bolǵan Perýza Beken jerlesterine rızashylyǵyn jetkizdi.
Qyzylorda