Káriz júıesin jańartý mańyzdy

Jýyrda Partııadan Májiliske kandıdat Sapar Abdrahmetov oblystyq, qalalyq máslıhat depýtattyǵyna kandıdattarmen birge «Jambyl-sý» MKK ujymymen úgit-nasıhat kezdesýin ótkizdi. Úmitkerler partııanyń maqsat-mindetterine toqtalyp, Jambyl oblysyndaǵy ekologııa máselesiniń mańyzdylyǵy jaıynda aıtty. Qala turǵyndarynyń turmys jaǵdaıyn jaqsartý máselesi talqylandy.

Sońǵy birneshe jylda elimiz ekologııalyq máselelermen, sonyń ishinde aýanyń lastanýy, óndiristik jáne turmystyq qaldyqtar, sý tapshylyǵy, radıoaktıvti lastaný jáne basqa da ózekti máselelermen betpe-bet keldi. Atap aıtqanda, Jambyl oblysynyń ortalyǵy – Taraz qalasyndaǵy káriz júıeleriniń sýy men shaıyndy sýlaryn súzý alańdarynyń tazartý qondyrǵylary kóp ýaqyttan beri jańartylmaǵandyqtan, ekologııalyq apat qaýpin tóndirip otyr. Shaıyndy sý, qala irgesindegi Jambyl aýdanynyń aýmaǵyna, atap aıtqanda, Jambyl, Qostóbe eldi mekenderine jaıyla bastady. Sonyń saldarynan jerasty sýlary, aýyz sý da lastanyp otyr. Taraz qalasynyń káriz júıelerinen shyqqan las sý men óndiris, ónerkásip qajetine paıdalanylǵan shaıyndy sý kez kelgen ýaqytta tótenshe jaǵdaıǵa ushyratýy ǵajap emes.

Al «Baıtaq» jasyldar partııasynyń belsen­dileri Shymkentte tigin fabrıkasyna atbasyn burdy. Qaladaǵy saılaýaldy shtab ókilderi eńbek ujymymen kezdesip, saıası qurylym tuǵyr­namasynyń negizgi baǵyttaryn tanystyrdy. Elde júrgizilip jatqan saıası jáne ekonomıkalyq reformalar tóńireginde oı órbitip, aldaǵy naýqan­nyń mańyzdylyǵy týraly pikir almasty.

Sonymen qatar baıtaqtyqtar qorshaǵan orta men ekologııalyq máselelerge qatysty jumys­shy­lardyń pikir-usynystaryn tyńdap, saýaldary­na jaýap berdi. Partııa ókilderi kásiporyn jumy­symen de tanysty. Tigin fabrıkasy 2013 jyly ashylǵan. Qazir munda 70 adam eńbek etedi. Fabrıka tapsyrys arqyly arnaıy kıimder tigedi. Aıta keteıik, partııanyń respýblıkalyq jáne óńirlik shtabtary kestege saı jumys istep jatyr.