Astana qalasynyń ákimi Jeńis Qasymbek belgili shahmatshy, halyqaralyq grossmeıster Dınara Sádýaqasovany qabyldady, dep habarlaıdy Egemen.kz.
Elorda ákimi Almatyda ótken álem chempıonatynda jyldam shahmattan (rapıd) kúmis júlde alǵan shahmatshy Dınara Sádýaqasovany jarqyn jeńisimen quttyqtady.
Dınara Sádýaqasova Astana qalasynyń ákimine qoldaý kórsetkeni úshin alǵysyn aıtyp, sporttaǵy mansabyna baılanysty aldaǵy josparymen bólisti.
О́z kezeginde Jeńis Qasymbek álemdik shahmat dodalarynda el namysyn aldaǵy ýaqytta da laıyqty deńgeıde qorǵaı beretinine senim bildirip, tek bıikten kórinip, jeńiske jetýine tilektestik bildirdi.
Aıta ketsek, búgin Dınara Sádýaqasova Astana shahmat federasııasynyń qurmetti prezıdenti bolyp saılandy. Ol bul týraly óziniń Facebook jelisindegi paraqshasynda habarlady.
«Osy maqsatta men shahmatty odan ári nasıhattap, damytýǵa, maǵan artqan senimderińiz ben úmitterińizdi aqtaýǵa tyrysamyn. FIDE sport komıssııasynda tájirıbesi bar IýNISEF-tiń izgi elshisi retinde óz bilimim men energııamdy shahmattyń kórkeıýine jumsaımyn», dep jazdy Dınara Sádýaqasova.